強勢飛虎電影集結　王敏德一句︰「Don’t Call Me 鬼佬」成經典

飛虎隊這個主題可謂非常長青，久不久就可以拎出嚟Reboot，最近電視劇《飛虎之潛行極戰》就係一例，仲搵到香港電影界公認演飛虎演得最神似的王敏德坐鎮，好有份量。
又其實不少演員都有演過飛虎隊，好似張學友、周星馳、余文樂、杜汶澤等，認真好搞笑好都演得相當出色，不過要數最神似嘅，可能係呢一位！（答案在放末揭曉！）

殿堂級飛虎　王敏德

導演陳嘉上在1994年拍過一部電影《飛虎雄心》，該片當年的卡士最大的就係王敏德，其餘係陳國邦、李若彤等，弱弱的氣勢似乎想上畫完等出VCD的節奏，不過電影口碑極好，其中王敏德的角色Stone，更加深入民心，一句︰「Don’t Call Me 鬼佬」，成為電影經典對白。更厲害是在零期望下，電影大收千萬，更隨即掀起一股飛虎電影潮，所以叫佢做殿堂級飛虎，絕對受得起。

奪命鉸剪腳  周星馳

同樣是陳嘉上，其實在拍《飛虎雄心》前，就拍咗周星馳兩部《逃學威龍》，雖然呢部重點係搞笑，但事實上星爺在戲中是飛虎精英，到結局一段都以全套重裝出動。值得留意係戲中不少動作場面都係星爺親身上陣，絕對見得人，加上在戲中學識埋奪命鉸剪腳，可以凌空飛起夾爆人個頭，厲害厲害。

【飛虎之潛行極戰】世界十大特警部隊邊隊最勁　飛虎隊水平超高【飛虎之潛行極戰】飛虎隊現實只曾有一名女性　香港女特警極罕有

睇張學友之餘仲有Sammi

最易忽略的有張學友，當年嘅佢已經拍咗《旺角卡門》、《黃飛鴻》等作品，烏蠅哥角色深入民心。不過呢套《飛虎精英之人間有情》就再度擔正，仲有鄭秀文做女主角。那些年嘅Sammi係唱緊《不來的季節》，剛剛紅起，而且包包臉的特徵相當易認，最後二人在危機重重下熱吻更是難忘一幕。

好色飛虎隊  余文樂 杜汶澤

將笑片認真拍，係彭浩翔嘅拿手好戲。呢套《飛虎出征》彭生雖然只當監製，但正正就係一部認真拍認真笑的代表。故事講一班飛虎隊利用專業的便利，以秘密方式過澳門「出征」，但事與願違被滯留，要想盡辦法返嚟香港，但期間就俾佢哋遇到名通緝犯，要在工餘下立功爭取表現。

被遺忘的飛虎隊員  容錦昌

其實要數演飛虎隊演得最神似的，仲有佢︰容錦昌。由於早年已經淡出娛圈，對於年輕觀眾來說會有點陌生，但他在《飛虎雄心》中已參與演出。當年影壇未受韓風影響，健碩身型的男演員為數不多，加上一副強悍的面容，令他一直成為飾演紀律部隊的首選。可惜後來被負面新聞影響，加上精神壓力，最終也決定離開影圈，未再有演出。