【神奇女俠2】首批劇照曝光驚現初戀男友 炸唔死又玩急凍翻生?

撰文:陳穎思
出版:更新:

《神奇女俠》(Wonder Woman)續集《Wonder Woman 1984》近日正式開拍,女主角姬嘉鐸(Gal Gadot)現身美國亞歷山大市(Alexandria)進行拍攝,同場驚見由男星基斯派恩(Chris Pine)飾演、上集明明已壯烈犧牲的「神奇女俠」初戀Steve Trevor!

導演Patty Jenkins分享首批《Wonder Woman 1984》劇照,只見「神奇女俠」雙眉深鎖地凝視熒光幕,唔知煩緊啲咩呢?(網上圖片)
上集壯烈犧牲的Steve Trevor又再出現!明明100歲都仲咁靚仔有型,又係咩玩法?(網上圖片)

上集《神奇女俠》的背景是1917年,而今集故事發生於1984年,屈指一算,沒有超能力的凡人Steve Trevor理應已有100歲,但從片場照以及導演Patty Jenkins分享的劇照所見,Steve Trevor頂多只像50歲,仲咁高大威猛、有型靚仔。有網民就講笑話Steve Trevor好似「美國隊長」,被雪藏70年後翻生。

「神奇女俠」同初戀Steve Trevor又聚埋一齊,唔通係平衡時空?(視覺中國)

點擊下圖欣賞更多拍攝現場圖片

+2

姬嘉鐸與基斯派恩再次合作表現輕鬆,二人在片場有講有笑,基斯仲對於狗仔隊鏡頭擺甫士,不過劇照中的他,身在百貨公司內一臉茫然,周邊路人的打扮充滿80年代風味。網民都在猜測Steve Trevor翻生的原因,其中最大可能是「神奇女俠」幻想畫面,基斯派恩純屬客串演出。