【逆流大叔】胡子彤演退役運動員向現實低頭：扒龍舟搵返自己！
撰文：郭芷晴
出版：更新：
胡子彤昨日（30/7） 出席電影《逆流大叔》首映禮，分享了拍攝經歷。「我個角色叫威廉，同我一樣係退役運動員，不過為咗家人同女朋友，接受現實去咗一間電訊公司做。後來輾轉遇到三位『老海鮮』，加入咗公司龍舟隊，透過龍舟呢項運動揾返自己。」
而子彤口中的「老海鮮」就是吳鎮宇，潘燦良與黃德斌三位前輩，子彤形容他們各有特色，「我喺套電影入面會慢慢學習佢地唔同嘅優點，從而培養出自己嘅男人味。」他補充吳鎮宇常請大家食飯，潘燦良黃德斌又愛說笑，所以他們在劇組的時間都很歡樂。
胡子彤說吳鎮宇常請食飯，潘燦良及黃德斌則愛說笑，大家相處融洽。（梁碧玲攝）
子彤在拍這套電影之前是完全沒有接觸過龍舟運動：「但我知道龍舟係一項國際性運動，唔單止有香港人玩，外國都好多人玩。真正開始鍛煉時先發覺爬龍舟唔係手板眼見功夫，佢講求嘅紀律同節奏，乃至點樣划水划大力啲，都係一門學問。對我嚟講係一項好玩嘅挑戰。」雖然子彤本人是運動員，習慣集訓，「但我頭幾次爬完龍舟後條腰都好痛，後尾習慣咗就無乜事，開心多過攰。」
另外，子彤女友歐鎧淳早前到台灣集訓了個半月，並就此為《01體育》拍攝運動特輯，大受歡迎。子彤又有沒有興趣拍類似的紀錄片呢？「我緊係想啦，不過安排起上嚟好麻煩，球場又要配合，所以如果真係有機會俾我去台灣集訓，我都願意，可以紀錄下我地運動員刻苦嘅訓練。」
【2018亞運．歐鎧淳】牽掛的還是游泳是張教 從沒忘掉生命的單純
胡子彤與余香凝在《逆流大叔》合作，前者飾演龍舟隊隊員，後者飾演教練。（梁碧玲攝）