【黃金兄弟】被眾動作巨星點名接班 錢嘉樂：拍好香港電影先！
撰文：賴家杰
出版：更新：
電影《黃金兄弟》昨日（25日）晚上舉行慰宴，一眾演員也有出席，包括：曾志偉、鄭伊健、陳小春、謝天華、錢嘉樂、林曉峰等。電影自從上映後票房和口碑一直很好，對於現在這個成績，作為監製的志偉滿意嗎？「成績非常滿意，最開心係每日票房都比昨日好，因為電影係有口碑，有好嘅口碑，票房先會比昨日好，作為電影人真係好開心。」
《黃金兄弟》昨日（25日）舉行慰勞宴。（梁碧玲攝）
《黃金兄弟》由錢嘉樂執導，很多前輩包括：成龍、洪金寶、袁和平及元彪等知名演員看完後也大讚嘉樂能夠成為他們的接班人，對於前輩的稱讚嘉樂表示：「好大壓力，呢啲錢都買唔到，不過實在太高興，因為無想過呢四位大哥會寫呢篇嘢畀我，係開心，不過好大壓力，但會鼓勵到我再努力去做。」再問到有心理準備好做接班人？嘉樂直言唔好講呢樣先，盡量拍好香港電影先。
曾志偉非常滿意現在票房成績。（梁碧玲攝）
早前伊健到戲院謝票時候也很拚命，事源當日伊健在謝票時候脫衣服送給觀眾，嘉樂笑言：「係囉，平時好似最低調係佢，唔聲唔聲練大隻再show肌，搞到頭先獎門人（曾志偉）話要除褲。」而在旁的志偉解答：「唔好啦，都係唔好除，因為我怕啲人未見過咁大⋯⋯部戲，廢事啦，伊健佢係因為成日練大隻無機會去除。」
對一眾前輩點名錢嘉樂做接班人，嘉樂希望拍好香港電影先。（梁碧玲攝）