影帝張家輝近日為電影《我阿爹想旅行》四出謝票及宣傳，早前便登上文雋主持的YouTube頻道《文雋講呢啲講嗰啲》，同大家細談每一部戲的來龍去脈。文雋談到電影《掃毒》時，表示相當懷念導演陳木勝。與此同時，張家輝亦提到對另一位導演的離世都深感惋惜，這位就是80年代拍過「風雲系列」的林嶺東導演，原來在對方離世前，正與張家輝洽談拍攝一部關於自己的自傳式電影，並由張家輝飾演林嶺東本人。

掃毒｜張家輝原定角色盡情黑化　慨嘆陳木勝早逝︰佢有我心

雖然張家輝與林嶺東未曾合作，但家輝憶述收到對方離世的消息時，非常震驚。原來二人本應會合作一部電影，而該片更是林嶺東的自傳電影。張家輝︰「未離開前佢想拍一部自傳，內容係講佢自己領悟到大半世人生，對於下半世有咩睇法，仲搵咗我去飾演林嶺東。」

對於這次合作，張家輝顯得非常興奮︰「我好雀躍，一直都間歇性地同佢開會，記得最後一次同佢傾完，事隔一、兩個星期就收到離世消息，非常可惜。唔好講我本身就嚟同佢合作，呢位導演的成就，佢嘅能力，佢嘅作品都為人津津樂道。」