【收視分析師】「是非精」夠癲夠嘈 《學是學非》收視廿點無難度

撰文:
最後更新日期:

歡迎收睇逢星期三嘅《收視分析師》, 2018年話咁快又過咗一個星期,今次我就想同大家講下星期日嘅節目就係好受歡迎嘅《學是學非》,原來呢套節目係近年嘅收視都幾好,由去年10月至今,最高試過有23.8點,只係間中有兩個星期無端端一跌就跌落14.7點,Btw收視咁好當然要靠一班「是非精」喇!咁大家仲記唔記得邊個係元祖「是非精」呢?

係元祖「是非精」!大家還記得嗎?(視覺中國)

【收視分析師】TVB最好睇節目一定係除夕煙花騷頒獎禮都要借過

【收視分析師】拍續集真係咁好咩? 只係想食老本敷衍觀眾

《學是學非》上星期收視有21點,綜藝節目嚟講係幾好!

《學是學非》第一季係2013年正式首播,元祖「是非精」包括有黃心穎、李佳芯、梁嘉琪、麥美恩,除了嘉琪同麥美恩依然繼續留係節目入面,可能有好多人都已經忘記黃心穎同佳芯BB都係始祖之一。當時佳芯BB初由有線轉投TVB,劇集演出未算有太多,所以做返佢嘅老本行主持係就最穩陣,好可惜當時收視就未有太好,徘徊係12-15點。我覺得最大原因係因為佳芯BB嗰陣仲未被公司力捧,所以收視係差少少。來到2015年第三輯,播足2年「是非精」形象已經好入屋,仲有新加入張秀文、湯洛雯,相信都係靠一班宅男集氣,成功令節目收視全面回升!!

+8
+8
+8

第二代就有靚湯湯洛雯以及張秀文加入!(視覺中國)

好可惜中途佳芯BB就告別節目專心去拍戲,而且黃心穎間唔中先出現,元祖「是非精」可以話係解體。節目組為填補離任主持的空缺,進行大換血,去年年初加入港姐馮盈盈、劉穎鏇及張寶兒,組成新「是非精」表現不俗。佢地嘅加入成功將成個節目主持年齡拉高條curve,令到個節目更加嘈更加癲。雖然其餘三位3字頭嘅是非精慘被榮升「姨姨」,仲慘被封為「咸豐中女組」,係做實驗時擦出唔少新火花。估唔到收視不跌反升,keep住20幾點。

其實一個節目加入新主持,好多時都會負評。不過係《學是學非》就見唔呢嗰情況,馮盈盈做得夠放同埋夠玩得,有時仲介意自抽,exactly keep到元祖「是非精」嗰種傳統大癲大喪嘅性格(應該係佢地本身性格就係咁),再加上劉穎鏇tiffany嗰女神樣,睇呢個節目又學到嘢又有靚睇,真係好難唔開電視睇嘅!如果佳芯BB得閒可以返嚟客串下就好喇!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。