【萬千星輝】蕭正楠宣布同黃翠如已成夫婦:多謝你令我更識照顧人

撰文:
最後更新日期:

《萬千星輝頒獎典禮2018》頒發的「最受歡迎電視拍檔」,在上年由劇集《超時空男臣》的蕭正楠、曹永廉和何廣沛,2016年則是《EU超時任務》的王浩信和朱千雪。在之前,其實這個獎是一分為二,分別是本年度我最喜愛的拍檔(戲劇組)和本年度我最喜愛的拍檔(非戲劇組)。而今年的「最受歡迎電視拍檔」由蕭正楠和曹永廉奪得,由本身都是最佳拍檔的洪永城和黃翠如頒獎。

今年是連續兩年由他們兩個得獎(上年加多個何廣沛),本應他們正講些多謝說話的時候,蕭正楠突然有說話要講:「2018年喺我工作上有好多成就,做咗好好嘅綜藝節目,而喺我人生都做咗一個好大嘅決定,我好想趁呢個機會,多謝我太太黃翠如!我一直諗緊好浪漫嘅嘢多謝我太太,我真係諗唔到好多嘢,緊張咗成晚,我都唔記得多謝你乜嘢。多謝你令我更識照顧人,令我更識做一個男人,今晚呢個承諾真係好大鑊,因為係對住全香港,多謝大家畀呢個機會我講。」

嘩!原來佢哋已經結咗婚!

你睇吓黃翠如幾驚喜!

+16
+15
+14

其實早在2017年時,他們兩人已經傳出婚訊,曹永廉在微博中笑蕭正楠「結咗婚係唔同D」,不過當時黃翠如出席活動隨即否認此事,更笑言要封曹永廉個嘴,坦言自己未有結婚的計劃。至於男方對於自己秘密做老襯一事,都好似與女方夾定,笑指曹永廉不可信,真真假假只有他們才知道。點知,只係一年的時間,兩人竟然突然宣布已婚,真係好令人驚喜!

【使徒行者2】被曹永廉踢爆已婚? 黃翠如被力捧忙到冇時間結婚

佢兩個喺《幕後玩家》有大膽演出。

+2

兩人更經常放閃。

+2

Do姐立即上前祝賀。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。