【江若琳結婚】封史上最「嘔心」夫妻 杜汶澤：佢哋隔3秒就摸面
撰文：趙允琳
出版：更新：
杜汶澤及田蕊妮夫婦今晚（23日）出席江若琳（Elanne）和蕭潤邦（Oscar）婚禮，阿澤為Elanne嫁個好老公感到很高興：「佢而家嫁得咁好，一定係條命生得好好！」
杜汶澤及田蕊妮夫婦今晚到香港嘉里酒店出席江若琳（Elanne）和蕭潤邦（Oscar）的婚禮。（陳順禎攝）
被問到封了幾多人情，阿澤大呼：「佢（Elanne）老公咁有錢梗係有咁細封得咁細封啦！我哋封利是係衡量對方財力嘅！」
阿澤特意為今日出席Elanne和Oscar的婚禮訂造了身上這件恤衫。（陳順禎攝）
阿澤曾說過Elanne和Oscar是他認識的人當中放閃放得最嘔心的情侶，他希望他們結婚後可以收斂一些，更指名道姓說Oscar寵Elanne寵到上天：「做人好辛苦㗎望見佢哋咁溫馨！佢（Oscar）每隔三秒就摸一摸老婆塊面，痴線㗎佢！同佢食餐飯如果你失戀就XX啦！佢好似個鹹濕佬嗰啲咁！」
阿田藉著這個機會叫一對新人趕快生小朋友，生個「生煎包」。（陳順禎攝）