新劇《極度怪咖》變女一? 馮盈盈:就算係都係叫「女七分一」!

撰文:
最後更新日期:

由林志華監製的TVB新劇《極度怪咖》今天(27日)舉行記招,公開演員造型,主演有王浩信、張振朗、馮盈盈及高海寧等。為了參演這套劇,馮盈盈特意轉換新髮型,她語帶風騷介紹:「一睇就知道我係演千金小姐啦,同埋我今次做番自己,飾演斯文又溫柔嘅熟女,但有一個矛盾位就係,我呢個千金小姐竟然想做警察,因為我好有正義感。」

馮盈盈為了《極度怪咖》這套劇集換了新髮型,大讚自己可塑性極高。(梁碧玲攝)

根據無綫於記招現場派發的資料,馮盈盈的排名較高海寧「高一級」,是否意味FYY今次踢走「高Ling」榮升女主角?FYY聽罷巧妙回應:「我唔敢講,就算係女一,都係『女七份一』,因為劇入面有7個女角色,全部都係情陷王浩信,同埋我個名前啲,一定係因為『高Ling』係K字頭,而我係F,所以我個名就前少少,一定係咁嘅原因。」

盈盈笑言聖誕假期很開心,全家也很幸福。(梁碧玲攝)

否認續約換獎:已經係年頭嘅事!

早前傳出盈盈如何奪得「飛躍進步女藝員」,全因是用續約來換取,盈盈立即否認這一點:「其實我有續約嘅,但係年頭嘅事,而家都年尾,事隔咁長時間,有好多變數,所以其實無直接關係!」

盈盈指聖誕假前因男朋友請了吃一頓豐富的大餐,令到她胖了,所以新一年要減肥。(梁碧玲攝)

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。