【友枱VIP】周家蔚無懼曾投資失敗再戰美容王國︰資金會再加大
撰文：吳子生
出版：更新：
由靚媽周家蔚主持的ViuTV節目《友枱VIP》今日（4日）在灣仔進行錄影，她透露5歲時已經跟著婆婆入廚學煮餸，已入廚三十年，可說是經驗老到：「好記得細過嘅時候，婆婆要包餃子，我會入廚房睇住婆婆點樣將啲菜揸水，然後我哋會一齊做，我公公本身開酒樓，因為爹哋、媽咪係寧波人，所以對食都好有要求好嘴刁，所以令我對煮嘢食提升咗興趣。」
周家蔚煮得一手好餸，最大福氣一定是老公洪天明。（黃國立攝）
由家蔚投資過百萬的童裝生意早前不幸結業，最近再有好消息，她表示：「依家有內地投資者願意投資再幫我搞返起個童裝品牌，我老公幫我傾緊，始終呢個品牌係我當年在節目中贏取了十萬蚊去創業，又係我送畀大仔一歲生日嘅，所以意義好重大，希望可以搞得番。」
周家蔚投資過百萬發展美容生意，老公洪天明全力支持。（黃國立攝）
有過失敗經驗，但家蔚無畏無懼，最近再與友人投資過百萬合作做美容生意，可說是另一番挑戰：「今次我哋嘅美容產品有近過百種，在資金方面力度會加大，因為要做貨，不過經歷之前嘅經驗，吸收咗好多做生意嘅細節，好多嘢都要親力親為，以前小朋友好細，依家比較會多咗時間，可以睇緊啲。」
+1