【十大中文金曲】謝安琪預告今年開演唱會:一定唔會撞華哥個期!

撰文:
最後更新日期:

謝安琪(Kay)昨晚(3日)於香港電台舉辨的《第41屆十大中文金曲 「用心.聽」音樂會》中奪得「最優秀流行女歌手大獎」,她稱是首次得到這個獎項,當然少不了答謝好拍檔Juno(麥浚龍):「今年(2018年)同Juno嘅合作,有幾多新嘗試嘅,無論喺形象上定係拍攝MV其實都經歷好多嘢,有好多嘢都挑戰到我自己嘅性格,所以得到大家支持同獎項其實真係好開心好幸福。」

【十大中文金曲】張敬軒謝安琪奪「最優秀歌手」 稱霸三大頒獎禮

Kay除了拎獎外,在音樂會上亦唱了多首唱答謝樂迷。(梁碧玲攝)

被問到會否覺得Juno很旺自己,Kay則反問:「會唔會係我旺佢呢,哈哈!我哋嘅合作係幾有火花,同埋我哋都建立咗好多默契,無論溝通定係我哋實際上工作過程其實好多時都好順利,嚟緊2019年我哋都幾忙,希望呢個順利同默契可以愈來愈好!」

Kay今年推出多首炙手可熱的作品,問何時計劃再入紙紅館開演唱會?「Juno已經同大家講咗,我2019年有做紅館嘅計劃,但都未公布得住,會喺2019年近尾啲嘅部份,但係一定唔會撞倒華哥(劉德華)個期嘅!」

過去一年可說是Kay的豐收之年,在各大頒獎禮上掃獎,希望2019年能夠繼續做好音樂給樂迷!(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。