【多謝Herman】等足五年冇諗離巢? 謝文欣:我有合約精神嘛

撰文:
最後更新日期:

星夢歌手謝文欣(Ally)日前在《2018年度勁歌金曲頒獎典禮》中奪得「最受歡迎新人獎」,現場講感言時勁激動,邊啜泣邊說話,令身旁的主持人都說:「真係聽唔到你講乜。」因而成為網民熱話。

Ally在台上講感言時激動到口齒不清,主持人區永權亦不忘提醒她。(葉志明攝)

【勁歌金曲2018】鏡頭背後連環睇 直擊得獎女歌手爭住攬周柏豪

捱足五年勁激動 Ally:多謝一直冇放棄我的人

Ally早於2013年被何哲圖(Herman)睇中,加盟星夢做歌手,但至去年才推出第一首歌,足足五年才正式出道並上台講感言,會激動也是難怪。Ally接受《香港01》訪問,對於得獎台上的一幕成為網民話題,她直言有留意,因當時太激動因此在社交網站寫下千字文多謝所有身邊的朋友:「最重要是一直相信我、一直冇放棄我的朋友!」

Ally事後在社交網站寫下「千字文」的得獎感言。(Instagram)

Ally在得獎台上一幕令吸引觀眾注意,有點眼熟的她原來在剛播畢的《大帥哥》中有份演出,劇中飾演身患鼠疫的阿芬,與冬來被困滋心苑之前,戲份如一般村民無異。翻看經歷Ally演足五年跑龍套,到《東坡家事》終於被觀眾發現與前日本女團AKB48成員渡邊麻友撞樣,因而獲得「翻版渡邊麻友」稱號,不過星夢未把握到機會為她鋪路,日子亦如常地過去。

觀眾認得Ally有分參與《大帥哥》,她直言是很難得的演出機會。(Instagram)

兼職化妝師慳到盡

對於網民指Ally捱足五年才等到第一個角色名,被投閒置散而為她抱不平,Ally說:「其實冇佢哋講咁差,因為我一直有主持音樂節目,好似《勁歌金曲》以及《無間音樂》,我都好感謝公司安排我做主持先,畀機會練好說話技巧,公司好多活動都有我安排我參與,呢段時間我都有練習唱歌。」即使正式成為歌手收入亦不算多,Ally透露有兼職做化妝師:「主要係幫參加宴會嘅女性同太太化妝,亦有教化妝,新娘化妝因為要好早book期,自己另有工作比較難。(足夠生活?)生活上盡量慳住嚟用、少出街,出外演出都有贊助的衫,妝就自己化,另外我同屋企人住,生活開支會細啲。」

Ally指化妝都是親力親為,更有開班教授化妝技巧。(Instagram)

【勁歌金曲2018】吳若希話星夢內部好和諧 公開表揚老公曬幸福

被指「造獎論」暗嘲菊梓喬未夠班 吳若希︰如有得罪純屬你小器

星夢大師姐變小師妹? 有合約精神拒離巢

星夢頻傳菊梓喬與吳若希爭做「一姐」,《勁歌》台上亦因此成為焦點,但以加入時間計算,早於2013年加盟的Ally才是「大家姐」。提到菊梓喬、吳若希等多位歌手後來居上,甚至許廷鏗都已離巢,她笑說:「你咁講我又真係元老,但若計返星煥時期(星夢前身),吳若希加入比我早,加上計返出道時間,我都只係小師妹。(點解公司咁遲先畀你唱歌?)我又冇問,只要等待、堅持,我相信總有機會實現夢想。」提到其他藝人可能早早解約離巢,Ally笑言:「我有合約精神嘛,我都試過同人比較,有唔開心,但或者呢個Timing啱我多啲,我呢一刻係身心都準備好嘅狀態。」

點擊下圖睇埋Ally其他靚相:

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。