【極度怪咖】 臨時演員猝死街頭 監製:佢11點左右收咗工!

撰文:鄺鈺瑩
出版:更新:
王浩信話希望今年會重返歌壇,不過新劇《極度怪咖》拍到4月,之後再接新戲 睇嚟樂迷仲要等等。(葉志明攝)

王浩信、張振朗、馮盈盈等主演嘅新劇《極度怪咖》以反黑為題,今午舉行拜神儀式時,兩位男主角重演日前嘅一場咀戲,由於劇中王浩信飾演社團大佬,加上又有hehe以及卧底戲,令人即時聯想到當年吳彥祖主演嘅電影《大佬愛美麗》。監製林志華接受訪問時,透露王浩信除與張振朗有感情戲外,與一眾女主角都有感情發生。「王浩信本身係演員,但後來加入咗警隊做卧底,然後又成為社團話事人,當中會有好多搞笑嘢,同張振朗感情只係其中一部分。」向來以電影為主嘅湯怡,今次亦會參與劇集演出,監製話向來都有留意不同演員,湯怡在試鏡後,有感她十分合適角色。「同埋搵佢都想有多啲新鮮感比觀眾。」

拜神儀式上,王浩信同張振朗重演咀戲予傳媒拍照時,笑言似結婚。(葉志明攝)

談到日前劇集有臨時演員收工後猝死街頭,監製表示當晚起用臨時演員時間為晚上六時至十一時左右。「當晚喺酒樓拍群戲,有近70多個臨時演員,我自己對死者無乜印象,暫時知道酒樓戲份後佢無出外景,所以佢收工後發生咩事都唔清楚。」監製在得悉該臨時演員離世後,有向臨時演員公司了解,但對方未有太多死者資料。「都有叫臨時演員公司有消息通知我,睇下公司有無可以幫手,自己都有安撫演員情緒,大家都好愕然,人生無常。」大台劇集向來出名有開工無收工,問監製會否作出適當調節,他表示在安排拍攝時,會盡量給予藝員同事休息時間,對方如果身體感到不適,劇組亦會盡量遷就。

新劇有臨時演員收工後猝死街頭,監製林志華表示有向臨時演員公司了解,亦有安撫其他演員情緒。(葉志明攝)
+3