無綫賀年歌《熱熱鬧鬧過新年》被網友狠批 主唱鼎爺:專登㗎!

撰文:
最後更新日期:

年~又過年~大眾歡樂年年~
每逢新年,總係要聽吓賀年歌先夠應節!即使唔洗自己播,若選擇安坐家中,電台、電視台總會全天候洗腦式播放,超有氣氛!例如《歡樂年年》、《迎春花》、TWINS的《你最紅》或者係徐小鳳嘅《喜氣洋洋》等等,全部都好有feel,加多句恭喜發財,成個觀感就fit晒喇!而最近陪伴住大家成長超過50年嘅TVB今年都有賀年歌新搞作,搵嚟李家鼎、譚玉瑛、森美、麥美恩、吳若希、杜如風、丁子朗合唱咗一首好有新年氣氛嘅主題曲《熱熱鬧鬧過新年》,唔聽由自可,一聽真係欲罷不能,被喻為「神曲」真係一啲都唔出奇!

去片:

李家鼎、譚玉瑛、森美、麥美恩、吳若希、杜如風、丁子朗齊齊獻聲!(YouTube)

網右狠批:全部唔啱音 鼎爺:專登㗎!

「KO全港啲校歌,」呢個係其中一位網友對《熱熱鬧鬧過新年》嘅評價。以大家嘅認知,香港有唔少校歌嘅旋律同歌詞都好有意境,尤其係歌詞,以文字上去閱讀真係好有意思!但唔知點解一拍埋落首歌度就好似怪怪哋唔多啱音,而呢首《熱熱鬧鬧過新年》亦出現同樣嘅情形,令不少網友劣評,仲大嗌難聽!不過,都有「識貨」嘅聽眾大讚神曲,仲留言話「好搞笑」。其實呢首歌同校歌一樣,好唔好聽到係其次,有意思咪得囉!而呢個「有意思」亦正正係主唱鼎爺嘅心聲:「係專登㗎,搞氣氛之嘛!」過年,大家一齊歡樂吓,唔好咩?

估MV已經係卡啦ok版本!(YouTube)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。