【你咪理,我愛你!】王祖藍勤力謝票 係仿效咪咪姐出呢一招?

撰文:葉詩
出版:更新:

王祖藍昨日(5日)出席無綫電視賀年節目《富貴金豬過肥年》拍攝,對於初一就要開工,祖藍說最不捨得的是女兒:「其實今日出門口之前都非常唔捨得個女,其實都唔係好想開工,但冇辦法,賀歲片上要出嚟宣傳、謝票,新年期間要去唔同戲院謝票。佢(女兒)今日眼睛碌到好大、又好醒、又心情好好,難得可以同佢玩,但玩到咁上下嘅時候就要分別。」

祖藍說先幫囡囡儲起利是,待她長大後才教她理財。(黃國立攝)

說到王祖藍第一次執導的賀歲歌舞片《你咪理,我愛你!》成績不俗,他眉飛色舞地說:「好開心有啲觀眾睇得好興奮,好鍾意,話未見過香港有部咁特別嘅戲,我覺得要回饋下觀眾,呢段時間競爭好大,咁多部片上,所以我都想親身去做下宣傳,感謝下咁多部片裡面仍然揀我哋嘅觀眾。」祖藍又表示新年撞正宣傳期其實也不錯:「入戲院嘅時候我覺得今年有個好處,除咗票房之外,𢭃利是同票房個價錢係差唔多嘅,出去謝票嘅時候順便,我唔介意幫囡囡收利是。」好多觀眾派利是畀囡囡?「會㗎!呢招我跟朱咪咪學嘅,逢係新年去登台帶定個袋出嚟,新年嘅時候梗係要咁樣做啦!」

祖藍寵愛老婆,情人節準備好好犒勞李亞男一番。(黃國立攝)

談到女兒,祖藍臉上就洋溢着幸福的笑容,他就說情人節要好好慰勞一下十月懷胎的老婆李亞男:「情人節就會同亞男二人世界去旅行。老婆都戒口戒咗一年,就去返啲食刺身嘅地方。我發現好多孕婦坐完月揀去旅行嘅地方,都會係可以食生冷嘢嘅地方,因為懷孕同坐月期間都唔食得生冷嘢,所以一出關就想食返。」

+7