網民收20蚊利市大感不憤 上網怒鬧派利市者:佢哋有冇羞恥心

撰文:
最後更新日期:

農曆新年轉眼間就去到年初六,相信大家都食少不了賀年食品,逗了不少利市。望住一封封紅色的利市,相信大部份人都會感到高興,不過總有一些人例外,有位網民就在Facebook的某專頁上出post,指自己在2019年仍然收到20蚊的利市,感到相當不滿,更問派出這些利市的人有沒有羞恥心。

事緣是這樣,相信這位當事人已經迫不及待地拆利市,當見到有20蚊的時候,便有感而發地上網post文,他指:「點解啲人去到2019年20蚊利是都可以畀得出手?佢哋到底有冇羞恥心,廿年前我都收緊20蚊一封啦,啲樓都升咗幾倍啦,廿年後又係20蚊一封,發神經。」

嗰位網民就咁樣講,仲喺不少專頁都有呢個post,真係難分真與假。(網上圖片)

不過似乎這位網民的言論並沒有太多人認同,不少人用留言去反擊,而近來因《愛·回家之開心速遞》飾演送水輝而人氣急升的許家傑,在接受《香港01》訪問時都不認同這個說法,他指:「我自己覺得利市意義唔係封幾大封,其實20又好100又好,講真,大家又唔係靠嗰啲錢搵食,唔係用嚟救命。大家都係想有個心意,封幾錢視乎返經濟能力,呢個係一個習俗,大家都係想享受個習俗。正如聖誕節,交換禮物有時都係定100蚊樓下,唔通過咗20年就要1000蚊份禮物咩?我覺得呢個習俗大家都想延續落去,最緊要係送封利市出去係有份心意畀咗人哋。」唔通出post位網民等利市錢救命?

許家傑就講到啱喇,唔怪得佢咁得人鍾意。(資料圖片)

+4
+3
+2

幾時都話識睇一定睇留言,快啲睇吓其他網民點回佢喇!

【周五心意運動】您捐一封$50利是,已可為基層送上溫飽,01心意呼籲您支持【香港青年協會】 ,每$50即可製作5碗愛心湯和心意禮物https://heart.hk01.com/zh/project/10095



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。