陳凱琳產後首露面短袖衫坐月犯禁 陳嘉寶賴慰玲上門探望開心自拍

撰文:
最後更新日期:

陳凱琳同鄭嘉穎囝囝Rafael,成為香港娛樂圈第一個豬年星B,新手爸爸急不及待上載小Rafael側面靚相,仲話終於明白點解個個父母都話自己個BB係最得意。新手媽媽Grace 除咗陀B時得天獨厚,肥B唔肥媽媽FIT到漏,好姐妹陳嘉寶同賴慰玲上門探望PO出合照,正在坐月嘅Grace終於曝光﹗

陳凱琳同鄭嘉穎囝囝Rafael已經出世啦。(陳凱琳IG)

所有父母都覺得自己小朋友係最得意,Grace都唔例外,見到囝囝隻手都融化了。(陳凱琳IG)

中國人坐月期間傳統禁忌多多,唔可以掂生水唔可以沖涼洗頭吹風,要著長衫長褲戴帽怕日後關節痛,仲有12朝前唔可以探訪……不過鬼妹仔Grace睇嚟係新派坐月,生完BB不足一星期,好姐妹陳嘉寶同賴慰玲已經上門探望,三位由少女到人妻而家齊齊做阿媽,閨蜜見面開心到素顏都不禁要自拍一下。

坐月中嘅陳嘉寶,出關孖住賴慰玲去探望剛生B,著短袖衫坐月嘅陳凱琳,兩個都完全唔似剛生完BB﹗(賴慰玲IG)

見到相片中Grace負責揸機自拍,坐緊月都著短袖衫,睇落容光煥發面尖尖零水腫,面色仲相當紅潤。田蕊妮都不禁留言話:「吓!個樣真係好似冇生過咁喎!」上個月尾宣布生咗囡囡嘅陳嘉寶其實都正在坐月,不過為咗好姐妹都破例出關探訪,難得見到閨蜜心情相當唔錯呀。賴慰玲留言:「咩事都冇發生過,都仲係18歲!唔好打頭」網友見到佢地生完BB都KEEP得咁好,笑言:「三個扮生咗BB嘅女人!」

素顏同極淡妝之下,三位靚媽都少女味濃,真係得天獨厚。(陳嘉寶IG)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。