張衛健自爆暗黑童年 在父親虐打中成長:7歲就諗幾時會畀佢打死

撰文:
最後更新日期:

張衛健早前去咗一間中學分享佢嘅人生經歷。(微博圖片)

早前憑住無綫劇集《大帥哥》再度人氣爆升的張衛健 (Dicky),近日到了香港一所中學進行分享會,以「Passion」為主題大談自己人生中的種種想法與經歷。他重提昔日由高位跌落谷底,無工開窮到燶霉到喊的日子,曾經一年無工開,感到十分徬徨。他說:「我用咗一年時間去諗,如何咸魚翻生?每日都諗,日夜都諗。答案係:你無得翻生㗎喇,張生。」他又憶述小時候被父親虐打的往事,試過被父親打到幾乎窒息,7、8歲時已在想自己何時會被打死,懷疑父親有躁狂症。Dicky還自爆自己在情路上的連番挫敗,當年事業低谷時,身邊女友總是會離他而去。

Dicky憑住《大帥哥》再次人氣爆升。(微博圖片)

Dicky表示:「喺愛情方面,好多時候我都係扮演被分手嘅角色。真係你唔信呢!靚仔如我,只能夠講佢哋唔識貨,哈哈,講笑啫!」他當年因為劇集《龍兄鼠弟》收視差,即由一線小生慘變棄將,之後他拍戲跌斷了手,要入醫院接受一個全身麻醉的手術,誰知他甦醒後,到來探望他的圈外女友第一句對他說的話,竟然是提出分手,Dicky說:「佢話『不如我哋分手,我唔想繼續同你拍拖,將來嫁俾你之後,我唔想買個LV要等半年囉。』呢個就係佢個分手原因。」被前度嫌窮而慘遭分手,原來他並不止一次。

Dicky飾演韋小寶係佢事業另一個高峰時期。(微博圖片)

Dicky繼續自爆說:「試過有另一位女朋友同我講分手,都係差唔多內容啦!佢話『唔係要嫁一個好有錢嘅老公,但你而家連自己都未養得起,連屋企都未養得起,如果我同你結婚,你點樣養我哋嘅家庭呢?』所以喺我事業低谷嘅時候,我可以話俾大家聽,我身邊完全無一個異性朋友、伴侶去支持我。」他並未有透露所講的這位舊愛是圈內還是圈外人。Dicky曾與初戀女友江欣燕拍拖5年,最後女方提出分手,他又曾與宣萱拍拖兩年,因性格不合和平分手,未知當中可有一位是他今次所提及的前度呢。

舊愛江欣燕。(微博圖片)

舊愛宣萱。(微博圖片)

Dicky同老婆張茜至今都好恩愛,好幸福。(微博圖片)

而他仍是新人未捱出頭的時候,就曾經窮到連TVB Canteen的碟頭飯都食唔起,餐餐要靠賖數度日:「我真係無錢,於是我就去公司餐廳食完之後埋去櫃枱俾錢,就話哎吔,唔記得帶銀包啊!可能留咗喺化妝間,但趕住開廠,點算好呢?然後對方就會話:『得啦得啦!』嗰位叫馬老闆,佢會話得啦得啦聽日先啦!」直到馬老闆叫他不要再做戲了,讓他繼續賖數,因對方睇好他將會必有所成,叫他到時才還錢。Dicky之後當然有去還錢,不過已經無緣再見到馬老闆親口多謝對方。他又再次感激劉德華這位恩人當年簽他到旗下。

佢好多謝劉德華呢位恩人。(視覺中國)

一齊重溫下Dicky喺分享會上嘅情況,以及佢人生路上唔同階段嘅靚相。

+41
+40
+39


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。