回歸無綫拍新劇賀出道20年 林峯:同睇住我大嘅舊同事工作好開心

撰文:
最後更新日期:

大家都好懷念林峯演出嘅《大唐雙龍傳》(劇照)

林峯自從2014年離開無綫往外闖之後,就加盟英皇娛樂,繼續歌影視三棲發展,他之前亦有成立自己的工作室,而經理人合約就簽了古天樂旗下的天高娛樂。昔日在TVB拍了不少經典劇集的林峯,讓一眾劇迷同網民留下了深刻的回憶,至今依然好懷念。事隔5年後的今日,踏入2019的春天,TVB就舉行了記者會,隆重宣布林峯正式回巢,大家又可以再於TVB上睇到林峯的演出喇,係新作而唔係重播呀。

《尋秦記》都好經典。(劇照)

林峯今次重返娘家拍劇,但經理人合約則依舊是天高娛樂,與佘詩曼、宣萱同門。他表示回歸TVB這個決定其實並不突然,他說:「呢5年一路都有同TVB嘅舊同事食飯傾偈,佢哋都有問我幾時返嚟呀,我主要睇下個project係點,同埋機緣巧合。希望同睇住我大嘅同事再次工作,我好開心。」他又透露在音樂路上已有好多工作大計:「Plan緊出年舉行我入行20周年演唱會,會係大型嘅內地巡迴演出,嚟緊5月我會喺澳門舉行演唱會做Warm Up(熱身),內地都會舉行幾場,因為我已經兩年無踏足過舞台,要Warm Up下。我哋亦都準備入紙紅館,為出年嘅個唱籌備!」

佢宣布重返娘家TVB。(視覺中國)

佢話呢5年一直都有諗幾時返娘家㗎。(視覺中國)

一齊重溫林峯啲經典劇集嘅演出,同埋佢重返娘家記者會嘅靚相。

+29
+28
+27


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。