將夥拍麥明詩拍《荷蘭好玩》 性博士馮盈盈:可能去紅燈區見識下

撰文:
最後更新日期:

今日(18日)為香港國際影視展的第一天,TVB亦舉行了戲劇發布會,公布接下來的十部皇牌重點劇,並請來各劇的主演們,陣容頂盛,現場星光熠熠。馮盈盈在十套皇牌重點劇中,有份演出的劇佔有三席,分別是《解決師》、《白色強人》及《極道怪咖》,可說是演技界炙手可熱的新星。

馮盈盈又做綜藝節目主持、又忙於拍劇,甚受公司重用。(葉詩攝)

馮盈盈對於接拍如此多重頭劇表示:「覺得自己係幸運嘅,咁好彩能夠參與大製作,即使喺裡面只係小角色,無論有幾多戲份我都會全力以赴,做到最好。咁好幸運喺啲劇裡面角色性格都唔同,希望會畀到新鮮感觀眾,唔會覺得馮盈盈係一式一樣。」

馮盈盈說參與不同劇集拍攝,髮型、體重都不同,完全不怕出鏡太多觀眾會看厭。(葉詩攝)

說到將會與麥明詩到荷蘭拍攝《荷蘭好玩》,馮盈盈雀躍地表示:「我未做過旅遊節目,第一個!仲要係我成世人流流長第一次衝出亞洲。」真的還未踏足過歐洲?馮盈盈說:「我比較早熟,所以怕搭長途機,驚瞓唔著辛苦。開始工作就好難度到長嘅假期,所以通常都係去啲短Trip。」

馮盈盈說將在五月出發,大家可以留言告知,想她們去什麼地方。(葉詩攝

馮盈盈又預告《荷蘭好玩》的內容:「我哋個節目好特別嘅,決定以多角度去探索。我哋會由貴嘅入手、平嘅入手、貼地嘅入手、爆嘅激嘅入手,咩角度都睇匀晒。」荷蘭文化比較開放?「例如有紅燈區,知道大家都聽慣聽熟,睇下有冇機會,我哋可能會去嗰到見識下,同埋嗰到啲博物館又係專探討啲禁忌啲嘅文化,可能都會帶大家去參觀。」

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。