減廢由日常做起走塑不吃外賣 謝安琪:我會有種「懲罰」畀自己!

撰文:
最後更新日期:

歌手謝安琪(Kay)昨日(30日)以「地球一小時」活動大使身份,出席世界自然基金會環保活動。今年已經是她第11年支持此活動,推廣環保有多重要:「其實10年前已經聽過好多氣候變化嘅預言,例如氣候會升溫,酷熱到我哋抵受唔到、越來越多風暴等⋯⋯10年前聽嘅時候未係咁近身,但聽到都會好驚,好似我之前去冰島拍唱片(《Slowness》,2009)封套,眼見地球因為氣候變化而響起警號,所以希望喚醒大家去關注呢件事,係越來越心急。」Kay又分享10年來的變化係是由大家好像聽故事那樣,到今天知道真的要去實行,最好是可以做到所有能保護地球行動都盡力做。

謝安琪分享身邊多了朋友支持素食,藉此減少碳排放;亦會自備餐具、環保袋等,實行從日常生活中的小細節開始改變。(葉志明攝)

身體力行減即棄產品 沒帶咖啡杯不准喝咖啡

謝安琪身體力行從自己的日常生活做起:「我會有種『懲罰』,如果嗰日唔記得帶自己嘅咖啡杯,就罰自己冇得飲咖啡;或者嗰日趕唔切去餐廳食嘢,我都唔畀自己食外賣;我通常會帶備簡餐,例如生果、Pancake,去減少使用即棄嘅產品。」Kay作出的行動亦是以身作則,又自豪自己的下一代有不錯的環保意識:「大仔(張瞻)日常生活都會好似我咁有(這種)懲罰,真係要去飲嘢就用紙杯、唔用飲管同膠蓋,佢會識得做精明嘅選擇,減少對地球嘅傷害。我唔係強制性要求佢去做,但佢有自發性,我幾開心見到佢有呢份心。」

Kay又期望政府可以加強環保政策;或生產商亦可以在研發產品方面減少、甚至不使用對環境有害的塑膠。(葉志明攝)

盡量穿贊助服飾上台 為衣櫃斷捨離不盲目追潮流

作為一個藝人,家中理應有數之不盡的衣物,謝安琪卻分享自己並非如此:「工作上盡量用贊助商嘅衫,着完處理好之後就歸還,減少咗擁有好多衫。其實我日常生活衣著好簡單,鐘意嘅顏色好簡單,亦係恆常款式,我成日都講笑話,如果立定一個時裝嘅風格,就可以成為經典。從簡化衣櫃開始著手,試下斷捨離,將衣櫃大翻新一次,再堅持一種風格。」Kay說自己幾年前開始執行這件事,笑言結果還不錯,大家對她日常衣著的風評提升了。Kay又提醒大家不要盲目追隨潮流,應挑選自己長遠會穿著的衣物,質料、剪裁、耐用最重要。

Kay分享自己的衣物以簡單為主,主要是黑色、白色、米色;而每年參與地球一小時活動都是穿著同一雙高跟鞋,已經穿了很多年,用實際行動展示不一定要追隨潮流的步伐。(葉志明攝)

觀看更多Kay的衣著圖片︰

+21
+20
+19


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。