【香港舞台劇獎】袁富華奪男配 冀金像獎再爭光:有提名已是肯定

撰文:
最後更新日期:

袁富華昨晚(10日)出席《第二十八屆香港舞台劇獎》頒獎禮,最後以舞台劇《攬炒愛情狂》勇奪「最佳男配角」(喜劇/鬧劇)一獎。袁富華透露自己忙於拍《拆彈專家2》,和正在排練舞台劇《夏娃》,到5月會幫ViuTV拍一套處境長劇。袁富華近來多涉足影壇,又會拍劇,會否少了時間拍舞台劇?他表示︰「咁盡量抽時間啦,因為排舞台劇唔係一兩日嘅事,咁起碼都要成個幾兩個月。」(都想三方面繼續發展?)「會,一定會,只要有我一定會做嘅。」

袁富華近年多作幕前發展,表現亮眼。(梁碧玲攝)

袁富華憑電影《翠絲》出色的演技獲提名2019《香港電影金像獎》「最佳男配角」,袁富華表示有信心,「不過對手好強,大家都好朋友,無論邊個攞都OK啦無問題,只要有提名其實已經係一個肯定。」在電影《翠絲》中,袁富華挑戰男扮女裝,會否再想作出其他挑戰或者擔心再難有突破?他說︰「就算再做返呢類角色,我都覺得個個角色嘅性格都唔同,一定可以搵到啲唔同嘅嘢,同埋如果角色如果唔同年紀都唔同做法啦,所以我永遠都唔怕話有冇重覆啊,反而喺同類型嘅角色裏面再去搵個突破,先至係最難。」

袁富華透露將會拍的ViuTV新劇是已播劇集《做演藝嘅》的延伸。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。