【武博】羅浩銘拍《鐵探》用鉸剪腳誤傷姜皓文:佢完全唔介意整親

撰文:
最後更新日期:

羅浩銘(Ken)今日(3日)以武博大使身份出席武博活動,並在武博現場遊玩「熄燈大師」及「一擊即碎」攤位遊戲,Ken憶起從小剛接觸武術時就十分有興趣:「我好記得5歲就想學武術,爸爸第一次帶我去戲院就係睇動作片,睇完就好想學,但嗰陣媽媽就因為我有哮喘所以唔畀,直到13歲先有自主權去報名學。」

羅浩銘希望家長不要因為小朋友身體不適合,而放棄讓他練功夫,因為功夫有很多種,總有一種會適合。(陳志嵐攝)

練功夫從來都是一件辛苦的事,Ken說:「但呢個辛苦係你會Enjoy,你唔會介意呢個辛苦,因為呢個付出係一定有回報。」問到Ken會多久練功一次,他說:「拍攝工作忙嘅時候都盡量Keep住一星期2、3次,平時就4、5次;我會睇個狀態,例如今日3場,每場都淋漓盡致,咁3場就夠,要善用時間。」

羅浩銘想跟很多電影界的武術前輩學習,如:洪金寶、錢家樂、甄子丹等。(陳志嵐攝)

Ken近日在無綫電視劇《鐵探》中飾演營長手下Eddy,他日前就在節目中大嘆沒有感情戲:「有就最好啦,冇都唔緊要嘅,我好明白自己嘅角色喺邊度,但當然作為一個演員想有多啲唔同嘗試,我相信觀眾都有興趣見到我做動作以外嘅戲。」又笑言最想與「黑寡婦」施嘉莉祖安遜(Scarlett Johansson)拍感情戲。

羅浩銘接下來會拍攝兩部動作片,8月則會拍攝警匪電視劇,他又言想挑戰不同類型的戲。(陳志嵐攝)

羅浩銘又分享了拍攝《鐵探》時最深刻的一場戲:「有一場我同黑哥姜皓文對打,我要用鉸剪腳飛身去夾佢,導演安排咗替身俾黑哥,但黑哥話要自己做,因為我着住軍靴,一夾嘅時候落地就撞到黑哥個下巴一下,咁我好驚撞親佢,但黑哥完全冇話責怪我,一起身就去睇Playback,即係佢完全唔介意整親,只要拍得靚就得。」問到拍打戲時會不會怕傷到其他演員而就力,還是為好睇而次次出盡全力,Ken說:「兩種情況都會有,對住完全唔識打嘅人或者女士就會就力,再靠鏡頭去幫;當兩個都識打就出盡全力。」

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。