【MIRROR GO】MIRROR錄影全新節目 Ian爆姜濤會籌備個人音樂會?

撰文:
最後更新日期:

組合MIRROR昨日(14日)出席ViuTV綜藝節目《MIRROR GO》錄影,節目將會以全新的形式舉行,每集有兩位成員擔任「特派員」接受不同的任務,其中成員盧瀚霆(Anson Lo)需要克服他的弱點——活生生的魚。其他成員例如邱士縉(Stanley)要跟姜濤一起做主題公園動物訓練員,姜濤更加有一任務是要照顧幼兒班的小朋友,他就指照顧小朋友的難度更高,因為要同小朋友打開心扉,「你要將自己變成一個小朋友去同佢哋溝通。」其他成員好似江熚生(Anson Kong)就笑指:「你唔洗啦,你係一個小朋友。」十分搞笑。

MIRROR昨日(14日)為他們的綜藝節目《MIRROR GO》錄影,更邀請了粉絲做觀眾。(陳順禎攝)

成員們指新一輯的《MIRROR GO》跟上一輯的大不同,Stanley指:「我覺得之前嘅任務係圍繞我哋為主,新嘅一輯就會有多啲社會上嘅嘢,將個focus會轉移去除咗我哋之外,其他職業嘅人做緊啲咩啊,會將個重心轉移返少少,平衡返少少,就唔會淨係得我哋自己圍內玩個mission咁。」隊長楊樂文(Lokman)補充上一季的節目主要突顯各成員之間的個人特色,今季除了有資訊性的元素,更多的是可以看到成員們相處了半年後的默契。看來節目可以吸引到更多不同的觀眾收看呢!

MIRROR透露8月將會推出他們的首張大碟,一切正在籌備中,準備開始錄音的部份。至於姜濤也曾講過將會推出Solo歌,不過他們指Solo歌就不會放在大碟裏面。(陳順禎攝)

Ian昨日在IG宣布將會開個人音樂會,被問到其他成員會否覺得偏心,姜濤就話Ian開演唱會,大家都會覺得好認同,「因為喺我哋嘅音樂可造性方面,大家都公認Ian係唱歌最好聽,音樂造詣方面大家都覺得佢係最好,至少我嚟講,我聽到呢個消息,我都會想去聽。」至於Ian自己都坦言有壓力:「因為我諗都會有好多唔同嘅聲音,比如話『點解會係你』、『點解唔係其他成員』,好多人都會覺得唔公平,但係公司都安排我哋每一個成員有唔同嘅發展,同埋可能我係第一個啫,喺大家已知嘅領域入面,未發生嘅事唔代表唔會發生,咁所以大家就唔好咁快下一個定論話『點解淨係得Ian嘅』,可能陸續有嚟呢,因為據我所知姜濤都會籌備自己嘅mini concert。」咦,難道真的會陸續有來?大定係就期待一下吧。

Ian將於下月舉行一場個人音樂會。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。