【全民造星II】MIRROR升級做評判:公開CASTING會緊張好多

撰文:
最後更新日期:

ViuTV選秀節目《全民造星》來到第二季,5月1日舉行公開招募及面試,MIRROR亦以師兄身份來到現場,表演了《前傳》及新歌《破鏡》,Lokman說:「今日做評判都幾緊張,我哋又吾係話咩大前輩,只不過早佢哋一屆、早出道少少;我哋唔係話非常完美,但要評人哋都有啲壓力,畀交叉剔都要諗好耐、一齊商量一番。」姜濤亦附和:「我哋亦都實力未係好足夠去評價人哋嘅實力如何,要好嚴謹。」

MIRROR以評判兼表演者身份出席《全民造星II》記者會,穿著黑色為主調的服裝,十分有型!(陳順禎攝)

Ian則以師兄的身份提出意見:「與其話去評佢哋,不如話分享啲親身經歷佢哋,可能大家都會想知點樣可以表現得好啲,喺選秀節目要表現自己嘅才華係好緊要,但另一方面都要做自己,畀觀眾睇到你嘅性格。」當問到有什麼評分準則,Anson Kong說:「今日係第三日嘅Casting,我哋係睇才藝比較多,唱歌跳舞唔錯,然後先再睇樣。」

有數百名粉絲到場撐MIRROR,現場喊聲震耳欲聾,在MIRROR出場前不同粉絲雖有過較勁,後亦十分有默契地齊喊MIRROR,獲花姐稱讚。(陳順禎攝)

MIRROR又異口同聲地說公開面試是個艱難的挑戰,Anson Kong說:「今年Casting難過上年,因為係公開Casting,因為上年係匿埋喺間房見,今次要面對咁多人、又有觀眾係好辛苦。」Anson Lo以體諒的心情說:「公開Casting會緊張好多,頭先嘅參賽者都係有少少走音嘅情況,好多時唔單止係能力嘅問題,太緊張個音就會震,其實都好明白佢哋未係最佳表現。」Edan憶起自己面試當日的心情:「如果上年公開Casting應該已經衰咗,雖然我嗰日係冇啲老師喺到,但我都緊張到喺出面口震、腳震咗成粒鐘。」

點擊圖輯睇MIRROR型相^^

+30
+29
+28

當問到怕不怕新一季的參賽者,會對MIRROR構成競爭或威脅,Frankie說:「長江後浪推前浪係呢個圈不嬲都有。」而Jer亦十分樂觀:「其實佢哋嘅出現係畀一個動力Push我哋更加進步,出道四個月以嚟我哋未必係做到最好,仲有進步空間,而家佢哋出現咗,我哋就唔可以鬆懈,要迫自己更加快去進步。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。