【婚姻合伙人】高海寧林秀怡上連登 無懼負評︰每條留言我都睇晒

撰文:
最後更新日期:

網絡風氣盛行,網民的意見有時真係會對劇集好大影響的,不知道是否因為這個原因,吸引到TVB劇集《婚姻合伙人》女主角高海寧(高Ling)和女配角林秀怡上連登討論區同網民一齊瘋狂討論劇情和回應網民,兩大女神一出,幾天之內迅速推爆幾個post,果然威力強勁。

高Ling同秀怡喺劇中係好姊妹,被網民一同推為劇中兩大女神。(電視截圖)

事緣是高Ling突入連登討論區的《婚姻合伙人》post,寫道︰「我終於申請到連登A/C啦,大家好!我係高ling!我睇左好多日comments,好想回覆大家!就由呢個post開始覆啦!呢場戲我自己親身倒吊架!雖然有威牙,但坐係棵樹上面,向後訓落黎倒吊好得人驚同好辛苦架,睇我個樣就知!哈哈 」再附上自己拍攝倒吊樹上一幕的花絮照,參與討論。後來經網民要求,群情洶湧下,連秀怡都玩埋一份!

高Ling仲上載咗喺南京嘅素顏相。(網上圖片)

《香港01》記者向林秀怡和高海寧查證,證實她們真的有上連登!兩位不單止有靚樣,其實仲勁玩得,對於網民的提問,一於「冇有怕」,一一回應。女神一出,即刻引來勁多正評,仲話對她們的好感度瘋狂提升!

點擊下圖睇吓佢哋點同用網民直接對話︰

+20
+19
+18

外界雖然對《婚姻合伙人》視為「倉底劇」,看低一線,不過輕鬆愛情小品有時可能更能「殺出重圍」,加上高Ling和秀怡兩個親自上討論區為劇集「另類宣傳」,實行同網民一齊睇劇,令更多人關注到劇集。依家仲有網民話要推到劇中另外兩位配角湯洛雯(靚湯)同埋黃淑儀(Gigi姐)上連登教大家煲湯,非常搞笑。

點擊下圖睇吓佢哋嘅靚相︰

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。