【開心速遞】傻強馮奕森重提雪藏被Out傳聞:自己都有責任!

撰文:張嘉敏
出版:更新:

憑住無綫高收視處境劇《愛 ‧ 回家之開心速遞》飾演傻強一角為人認識的馮奕森 (Sam),昨晚舉行31歲生日會,這是入行6年以來首個粉絲見面會。除了他的粉絲,他還邀請了一班圈中好友參加,當晚出席的藝人包括於《開心速遞》飾演朱凌凌的吳偉豪、飾演George的張明偉、C AllStar的King(吳崇銘) 以及Error的肥仔(梁業)等,Sam的媽媽亦有到場。身為同心慈善基金會愛心大使的Sam,還會把當晚入場費扣除成本後,將款項捐予該基金會,趁機行善幫助有需要的人。

Sam的一班好友都有到賀,左起:張明偉、肥仔、吳偉豪、Sam以及King。(陳順禎 攝)

雖然過往的傻強是走丑角路線,但現實中的Sam卻是靚仔一名,他在生日會上播放了自己的靚仔騷肌片段,氹得粉絲好開心,又親手炮製甜品給大家品嚐,一試他的手勢。Sam表示他沒有特別的生日願望,最緊要是身體健康。問到仍是單身的他恨唔恨拍拖,他說:「我唔急㗎,順其自然啦,媽咪都無催我,佢知道急都急唔嚟。(你有咩擇偶條件?)又無乜點諗喎,不過我鍾意Kristen Stewart呢類型嘅女仔。」

Sam同大家玩遊戲。(陳順禎攝)

對於有傳他是因為客串演出的FOX劇集《心冤》而觸怒TVB,遭雪藏的傳聞,Sam再次否認說:「無被雪藏,公司依然對我好好,我之前係放假休息咗幾個月,其實自己都有責任,因為身體健康響起咗警號,前肩頸同鎖骨位置開始痛,我依家都要戴住條健康頸鏈。」至於可會想重返《開心速遞》,他就表示要交由公司安排。他又透露稍後將會拍攝新劇《網絡騙案》(暫名):「我個角色叫阿迪,做下巴位,今次係飾演一個壞人,同傻強好唔同,自己都想有多啲唔同嘅嘗試。」

Sam要戴住條健康頸鏈。(陳順禎攝)

點擊下圖睇下Sam生日會加粉絲見面會現場,以及佢嘅靚相:

+10