【白色強人】郭晉安稱Ali是男士理想對象 李佳芯：我都鍾意阿旺
撰文：林迅景
出版：更新：
郭晉安、李佳芯、唐詩詠、馬國明等人今日（6月9日）出席無綫劇集的宣傳活動。郭晉安、李佳芯（Ali）在劇中分別飾演部門主管醫生Y.T以及程洛雯，郭晉安接受《香港01》訪問時説：「戲入面同戲外，我都好欣賞佢。戲入面Y.T.一路都好欣賞程洛雯嘅醫療技術，想提攜佢做部門主管。」李佳芯：「我都係欣賞佢。」
郭晉安大讚李佳芯溫柔，又話有留意Ali做戲，令到Ali勁開心。（葉兆康攝）
Ali亦表示此次是首次與郭晉安合作拍劇。郭晉安：「坦白講呢次係我哋第一次合作，但係我一路都有喺電視睇佢嘅戲。」李佳芯驚訝的說：「呢個應該係我同你講。」郭晉安續：「佢有一種自己嘅，好個人嘅魅力！（哪一種？）係一種男性都好想見到嘅，女性溫柔嘅一面。應該係咁講，我哋大家都會喺電視熒幕，尋找自己想睇嘅嘢，而Ali表現到嘅，係一般男士都想遇到嘅女性。」
Ali自己也十分喜愛郭晉安飾演過的角色，更說：「《創世記》同阿旺，特別係阿旺嗰套！」（葉兆康攝）