【逃犯條例】IG出Post着白衫撐遊行? 黃翠如:唔會有咩特別回應

撰文:
最後更新日期:

黃翠如今日(11/6)現身中環出席瑞士著名腕錶發佈會。翠如笑言老公蕭正楠,特別喜歡收藏不同類型腕錶:「佢對錶嘅熱愛仲犀利過我,好多時候出門嘅時候,佢都係忙梗揀錶,屋企個小櫃仔都係佢嘅錶,數量我又真係冇數過,不過佢都有Keep住咁買錶,每次佢話買隻錶俾我戴,但最終通常都係佢自己戴。」

黃翠如表示佩戴不同款式腕錶,加上配襯不同服飾,份外型格。(陳志嵐攝)

香港特區政府就《逃犯條例》修訂惹起爭議,「民間人權陣線」指日前103萬市民上街抗議,不少藝人如黃耀明、何韻詩及王宗堯等人現身支持加入,不過有網民發現黃翠如在社交平台上載身穿白色上衫相片,並發文話:「很炎熱,但很美嘅太陽,星期天,街去。」與民陣呼應當日身穿白色服飾不謀而合,網民覺得似有暗示。翠如就此事回應話:「我自己就唔會為一個IG,有咩特別嘅回應。」

黃翠如透露送過兩隻腕錶給老公蕭正楠。(陳志嵐攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。