【全民造星II】人氣選舉僅排第6 吳啟洋:今屆好多KOL冇可能贏!

撰文:
最後更新日期:

ViuTV真人選秀節目《全民造星II》99位參賽者名單日前經已公開,並舉行「Eye Catching Idol選舉」讓觀眾在社交網站「按讚」投選自己最喜愛的參賽者,五強結果於今日(23日)舉行首次錄影時公布,由53號王焯南(Louis)﹑18號黃浚銘(Boris)﹑86號陳軍政(Cotton)﹑29梁德忠(Tank)和85號趙敬賢(酒粒仔)奪得,可以直入60強。而早前已被視為大熱的14號吳啟洋(Phoebus)最終「心心」總數僅排第6,未能直接晉身下回賽事,要參加第一輪淘汰賽。

14號吳啟洋(Phoebus)需要參加第一輪淘汰賽。(梁碧玲攝)

外表陽光有活力的Phoebus今年22歲,是理工大學土木工程系大四學生,憑其俊俏外貌令他在IG累積了一萬名粉絲追蹤,頗有名氣。雖然未能入選人氣選舉Top 5,但他笑言對自己的實力有信心:「其實我係第6名,爭少少票數,但都知自己入唔到㗎喇,因為今屆參賽者有好多KOL,例如Boris、Cotton,都冇可能贏到佢哋,但係表演方面我對自己都有一定嘅自信!」

他笑言自己是全能的表演者。(梁碧玲攝)

身高181cm的Phoebus其實是一名運動健將,打了10年手球所以才打造成現時的健碩身形。他笑言自己一直都很熱愛表演,不過卻找不到一個合適自己的表演舞台:「以前嘅方法係打手球,手球變咗係我表現自己嘅地方,但我本身非常鍾意唱歌跳舞,香港冇乜唱歌跳舞嘅節目或者比賽,而《全民造星I》係我認識(嘅節目)入面覺得好好,有一個好好嘅平台畀我呢啲年紀嘅人參加,所以就嘗試一下。」

身高181cm的Phoebus擁有健碩身形,是一名手球健將。(梁碧玲攝)

Phoebus笑言自己是全能的表演者,在唱、跳、演的範疇都抱有信心。被問到有沒有收到花姐的評價,他坦言:「花姐通常都會話『哈,你ok喇!』咁樣,就帶過咗,但係噚日Rehearsal(綵排)嘅時候,佢都會話:『你可以喺某啲位試吓點樣點樣做』,就唔會話『你唱歌好唔得呀,你去唱歌』或者『你跳舞好唔得呀,你去跳舞 』,冇呢啲咁樣嘅comment(意見)。」

點擊觀看更多圖片:

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。