慶祝歌迷會成立12周年 鄧麗欣亂棍扑爆蛋糕咁掃興?

撰文:
最後更新日期:

鄧麗欣(Stephy)日前為慶祝歌迷會成立12周年,與約50位粉絲舉行一年一度的見面會,每年聚會都設有不同的主題,今年大玩廚藝比賽,美女廚神Stephy更落場炮製甜品心太軟,同時率領9組粉絲自製甜品,再由她親自試食評分選出冠亞季軍!Stephy笑言今次粉絲聚會令她付出沉「重」代價:「其實整甜品會落好多牛油同糖,真係好肥,我仲要試食晒咁多組嘅甜品,唔知要跑返幾多個圈先減得返喇!」

真係食。

挑戰味蕾 抵死狠評

在試食環節時,鐵面無私的Stephy對粉絲的作品有讚有彈,當吃到「地獄級甜品」更會化身「女版Gordon Ramsay」當面狠評,抵死啜核的評語為見面會帶來不少歡樂。此外,歌迷會特製了一個另類蛋糕送給Stephy,她須以木棍用力扑爆蛋糕外層,才會吃到內裏的曲奇及糖果,別具心思。 而在粉絲特設的「你問我答」環節中,當問到「最想合作的男演員」時,現場粉絲們紛紛大嗌「王子!」(Stephy男友邱勝翊),令 Stephy 哭笑不得!對於大批歌迷要求她再開演唱會,她表示一直有計劃再開騷,但希望先發展好電影事業,才正式回歸樂壇,不過為了讓一眾歌迷「解渴」,她即席清唱一曲《心甜》。

你睇Stephy扑得幾狠!

月老牽線 撮合粉絲

見面會接近尾聲時,Stephy感性地答謝一班出席的粉絲:「多謝大家今日出席歌迷會12周年嘅Party,知道你哋來自唔同地方,12年真係一個唔短嘅時間,大家每次都會同我慶祝真係唔容易。啱啱知道有兩位粉絲仲成為咗情侶,好開心,因為大家都支持我,有共同喜好先會走埋一齊。」最後,她答應將以作品及成績回饋粉絲,更提議明年聚會舉辦排球比賽:「多謝嘅說話唔講太多,太老套,認識我嘅人都知我係好實際,我會用我嘅成績、作品嚟直接報答你哋,希望嚟緊實現到你哋嘅夢想──開演唱會喇。」

睇埋當日嘅其他精彩相片:

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。