【九龍不敗】鄧麗欣不抗拒演女警 想以「憫情」回歸《龍咁威3》

撰文:
最後更新日期:

由陳果執導、張晉、Anderson Silva、鄭嘉穎、劉心悠和鄧麗欣(Stephy)主演的《九龍不敗》今日(20日)上映,早前鄧麗欣抽空跟《香港01》做訪問,大談當中拍攝過程以及自己的近況。

攝影:梁碧玲

鄧麗欣有份主演的《九龍不敗》將於今日(20日)上映。(梁碧玲 攝)

首先鄧麗欣在《九龍不敗》飾演張晉的未婚妻,戲中講述一名變態殺人狂專殺女警,而鄧麗欣亦是受害人之一,張晉為了報仇及查出兇手,就會出現一連串的打鬥畫面和「瘋狂狀態」。

不抗拒再演女警
講到鄧麗欣其實曾多次擔任女警角色,問到她會否抗拒時,她答得爽快:「完全唔會,因為覺得女警好型,而且發揮好多,女警唔一定係大家心目中咁Cool,好似《藍天白雲》,在工作上要表演出最硬淨一面,但返到現實生活時,佢都有自己軟弱的一面,成個人物就會變得好立體,都幾好玩㗎。」

鄧麗欣笑指今次的動作場面最好就是跑!(梁碧玲 攝)

電影中未試過死得咁核突

問到鄧麗欣今次在《九龍不敗》中會有甚麼大突破時,她笑指:「以我記憶我好似未試過咁樣俾人殺死……(係咪劇透?)其實都唔係秘密嚟㗎喇,今次死得核突啲,喺電影入面未試過咁樣遇害嘅場面,意識上係恐怖啲。」其後電影公司方面補充,鄧麗欣是被殺後藏屍在紅白藍膠袋裡面,的確頗為嚇人。

Stephy稱不時都會掛住細個時候的屯門大興。(梁碧玲 攝)

掛念屯門和中學時光

眾所周知鄧麗欣兒時就讀屯門區的沈香林中學,在大興邨長大,今次在天水圍拍戲,又可以搭返細個成日會搭的輕鐵。「其實好耐無返去(大興),好想去返以前細個讀書、食Lunch、去粥舖的感覺,有試過喬裝返去,但已經完全唔同晒,想搵返以前的文具舖都無,不過都有個種感覺喺到嘅。」

《空手道》的成功後,Stephy在揀劇本時也有定下一些條件。(梁碧玲 攝)

《空手道》後揀劇本當然有所謂

鄧麗欣於去年憑《空手道》奪得「第24屆香港電影評論學會大獎」最佳女演員、「第12屆香港電影導演會年度大獎」最佳女主角,以及提名「第37屆香港電影金像獎」最佳女主角,問到此後揀劇本有咩要求時,她直言:「當然有所謂,但這種有所謂不是說揀劇本好挑剔,而是有責任地去揀,如果大家會因為我而入場睇戲,我希望大家唔會失望,所以在揀劇本和跟導演溝通時,儘量希望(揀到)自己最鍾意的劇本,套戲出到嚟係好嘅作品,在前期方面會花多點功夫,跟導演、編劇溝通多點,在揀選時會揀一點比較出色的劇本。」

鄧麗欣表示香港有好多新演員、新導演,我自己一定會支持。(梁碧玲 攝)

期待以「憫情」回歸《龍咁威3》

講到早前有消息落實會開拍《龍咁威3》,鄧麗欣表示:「其實阿谷(谷德昭)有同我提過,我都等緊㗎!如果佢哋想搵我返去一齊玩當然非常開心,同埋香港好似好耐都冇咁搞笑嘅喜劇,我都幾期待,自己又好耐冇拍喜劇,成日拍埋啲好沉重嘅內容,拍返喜劇都幾開心。」

《龍咁威》時期仲係新人點忍笑?

最後問到鄧麗欣16年前拍《龍咁威》時,面對鄭中基到底點忍笑?她直言:「忍唔到㗎!笑囉,NG囉!但當年我仍然是新人,剛出道1年,所以在現場好緊張,緊張到唔係好識笑。當年大家都拍得好開心,現場氣氛又好好,同埋我發覺我個角色都幾成功,可能個名好好聽『憫情』,到依家大家除咗會叫我做『阿寶』之外,都會叫我做『憫情』,大家都好期待憫情再出現究竟係點,嫁完黑人(戲中情節)之後究竟會係咩生活,我自己都好期待。」

點擊睇更多鄧麗欣資訊:

+16
+16
+16

Makeup:Cyrus Lee
Hair:Euling Chow @ IL COLPO PLATINUM
Styling:Queenie yu
Wardrobe:DVF
場地提供:明珠海景

a target="_blank" href=" https://hk01.app.link/zAfjAqgeEO">


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。