【書展2019】孫慧雪熱心為鄧洢玲介紹男友 阿旦公開徵男友條件

撰文:
最後更新日期:

孫慧雪(雪雪)、鄧洢玲(阿旦)周三(17日)出席書展,為寫真集《私圖》宣傳兼進行簽名會,原來一切只是順其自然,雪雪說:「純粹係影一輯靚嘅相,因為係生完bb減咗肥之後影,所以有得公開好開心。」阿旦亦附和:「冇諗過出寫真書,但影出嚟效果又幾好。因為11、12年第一次出冇乜自己Character,係公司塑造你係點,但今次就全部都係自己風格,所以影出嚟舒服啲。」

雪雪憶起第一次出寫真時十分緊張,看了百多本寫真作參考。(陳順禎攝)

當記者問到有沒有下一個拍寫真的計劃時,阿旦說:「我嚟近都會籌組旅遊節目,反正都去靚嘅地方拍節目,不如順便每個地方都留個倩影,然後可能好似雪雪咁寫散文集或者旅遊攻略。」雪雪則說:「成日人哋影我都係偏甜美,但我又唔覺,我想走型格路線,Cool得嚟又有美感。而家年紀大咗,應該成熟啲。」

鄧洢玲憶起以前拍照都會笑到四萬咁口,但是次想Cool一點,所以選了張不笑的照片當封面。(陳順禎)

孫慧雪稱爸爸會介意自己拍性感的照片:「有時我社交網絡啲相有少少性感,爸爸就會問我做咩,爸爸又會話:『你第時生個女就知!』」相反老公卻一點也不介意,反而跟她說:「你唔洗問我㗎喇,我底線一定低過你!」皆因老公知道她有分寸。阿旦亦同樣不擔心未來另一半會介意:「人大咗做任何工作最緊要自己開心,另一半都應該會尊重。」阿旦又說現時未有男朋友,叫雪雪介紹給她,條件是心地好、孝順、喜歡動物和理解自己的工作。

作為寫真前輩,孫慧雪寄語後輩要分享最真的自己、自然一點。(陳順禎攝)

鄧洢玲則認為要表現到自己的風格,不一定要嘩眾取寵。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。