林芊妤Coffee產後極速瘦身靠三大絕招:餵人奶消耗好多卡路里

撰文:
最後更新日期:

林芊妤(Coffee)去年誕下兒子後,就極速減磅瘦身。她說,就連身邊朋友也表示佩服,甚至也有人讚她產前的她身材更有曲線。

適量運動、餵人奶 幫助產後瘦身
日前(20/7)她出席Satami運動內衣活動,接受《香港01》訪問時就分享了一些產後瘦身的心得。「運動好緊要,但係最主要係我餵人奶,因為餵人奶消耗個卡路里好多,所以瘦得好快。」要額外進食補充嗎?「我係一日三餐,再加甜品,跟住再加小食。其實我一日食好多嘢,但係本身肌肉量好夠,先可以消耗晒。啲人話我身材好過以前,冇以前咁肌肉型,咁鋼條。」

產後的林芊妤(Coffee)仍然維持Fit爆身形。(劉智源攝)

最重要均衡飲食:食非加工食物
運動方面有需要注意的事嗎?她回答:「唔係話同自己或者人哋比賽,最緊要跟返自己節奏,其實一日有幾分鐘時間,都可以做運動,可以慢慢增加自己能力。」她又說,運動之餘亦需配合均衡飲食。「食啲非加工食物,菜吖肉吖。真正令你肥嘅,係Pizza、薯條薯片嗰啲。其實呢個唔使我講,只係大家做唔到。」

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。