【理想國】與張蔓莎上演超時空愛情 吳肇軒:好似《你的名字》!

撰文:
最後更新日期:

ViuTV今日(28日)為全新劇集《理想國》舉行記者會,劇集共包含了13個關於未來的故事,而擔任《裂縫》單元的主演吳肇軒表示,將與張蔓莎合演跨越時空的愛情故事:「我係一個好悶嘅廣告佬,喺個窗望見對面一個好靚嘅女仔,即係Sabrina(張蔓莎),然後同佢日久生情,之後發現原來佢哋係相隔咗6年,真係睇戲都冇咁蹺,好似《你的名字》咁唔喺一個時空度。」

吳綺莉、楊淇、吳海昕、吳肇軒、張蔓莎、楊偲泳及陳炳銓、胡卓希等演員今日(28日)出席ViuTV劇集《理想國》記者會。(劉智源攝)

他直言這個角色蠢蠢呆呆的,與他看過的泰國電影《戀愛病發》男主角甚為相似:「都係一個工作狂,除咗工作之外,喺佢嘅生活入面好多嘢都錯過晒,遇到Sabrina嘅角色之後,終於搵到生命入面其他嘢,點知先發現原來係相隔咗咁耐!」他笑言與拍檔張蔓莎合作無間,一拍即合:「對手比較相熟,火花都刷得易啲,大家可以討論嘅範圍又多啲,始終大家同公司又識咗咁耐!」

吳肇軒(右)將與張蔓莎(左)在單元《裂縫》中合演跨越時空的愛情故事。(劉智源攝)

將演舞台劇《尋常心》 吳肇軒努力調節演戲力度:仲摸索緊!

吳肇軒下月將與黃秋生、湯駿業、梁祖堯、邵美君及徐天佑等合演舞台劇《The Normal Heart尋常心》,現正積極排練中。他稱舞台劇以80年代為背景,講述愛滋病爆發的故事:「呢個係講80年代啱啱有HIV嘅時候,有個組織希望同政府抗爭得到多啲關注,撥款幫助到HIV病患,我就係組織入面嘅其中一個幹事,主要同阿祖同阿Dee(湯駿業)有多啲對手戲。」他直言舞台劇和以往拍劇、拍戲很大分別,對住鏡頭與觀眾演戲的感覺很不同,現在還努力調節中:「我不斷叫阿祖同阿Dee去提醒我,我都不停咁摸索緊!」

吳肇軒下月將演出舞台劇《The Normal Heart尋常心》,將會飾演支援HIV患者的組織幹事,是個同性戀者角色。(劉智源攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。