【大步走】陳山聰大讚只有兩套造型服 姚子羚最怕曬黑塊面

撰文:
最後更新日期:

陳山聰和姚子羚今日(16/8)出席在將軍澳電視城舉行的無綫新劇《大步走》造型記者會。提到這套劇造型,子羚讚不絕口超輕便:「對比之前拍古裝劇方便好多,只係化下淡妝,始終都係拍跑步戲,咁所以都會搽定防曬,不過自己都唔會好怕曬,最好就唔好曬到塊面啦,到時會戴帽拍。」山聰笑言最舒服,成套戲只得兩套衫換,可以著住套戲服開工收工。

陳山聰與姚子羚在劇中有感情綫。(陳順禎攝)

山聰直言今次題材十分新穎:「套劇裡面我同子羚飾演情侶,喺我認識佢之前自己本身有過一段婚姻,劇裡面我有個女係劉穎鏇,好耐之前同佢失散咗,咁所以好多嘢放唔低,往後生活都變得「斷捨離」,就因為咁我去咗買咗本書睇,關於呢方面嘅嘢,讓我領悟到「斷捨離」深層意思,是要整合成個生活。」

山聰笑言拍此劇最大好處是造型夠輕便。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。