【包青天再起風雲】姚子羚與好姊妹胡定欣首次對打:難得可以廝殺

撰文:
最後更新日期:

姚子羚今日(2/8)出席無綫劇集《包青天再起風雲》造勢活動。提到在劇中飾演仵作角色,子羚表示:「其實喺我拍之前,我都特登上網睇過相關人死後,屍體被移動過與未被移動嘅分別,因為瘀痕分布位置會好唔同,原來係咁有趣,如果唔係拍呢啲類型嘅劇集,你係唔會去諗呢方面嘅嘢。」

子羚在劇中飾演一名仵作角色。(陳順禎攝)

子羚又指監製特別安排好姊妹胡定欣拍對打戲,完全過足戲癮:「我同定欣認識咗咁耐,合作無間,大家從來都冇拍過對打戲,今次好難得可以互相廝殺,少不免對打時都會有撞傷,而且今次又係我第一次吊威也去做後空翻,自己真係未試過,自己本身條腰有舊患,但自己又好想試下,就嘗試咗,最終係成功嘅,拍出效果都好滿意。」

姚子羚今日出席無綫劇集《包青天再起風雲》造勢活動。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。