【3日2夜】芬蘭遇白馬王子一見鍾情 鄺潔楹:好溫柔又令我安心

撰文:
最後更新日期:

《3日2夜》週六晚24/8播出的一集,繼續由朱智賢(Ashley)和鄺潔楹(Judy)帶觀眾們遊芬蘭,今集她們離開了大城市赫爾辛基前往一個著名度假小鎮。旅程中,她們在奧林匹克訓練中心滑雪,又在冰湖上風馳電掣玩雪上電單車,更坐上了水泡玩大型雪上滑梯。雖知道,細細粒的鄺潔楹(Judy)一向受香港男士歡迎,但原來她在當地同樣受歡迎。在節目她竟然遇上意想不到的艷遇,她更形容這位外國俊男是「白馬王子」!宅男們真係心都碎晒啦。

「大小朱」朱智賢(Ashley)和鄺潔楹(Judy)互相稱呼做家姐阿妹。(受訪者提供)

她接受《香港01》訪問時,大方的談及與「白馬王子」的邂逅經過。她說:「第一眼見到,我已經知道係佢!感覺上好夾,因為對我嚟講感覺係好重要。」據知這位俊男與她也有一個共通點,她形容說:「我同佢一樣都係身驅細小,但係一樣都能力好大!我就係見到佢係最細粒,先咁鍾意佢。」與香港遇到的有甚麼分別?她回答:「我仲記得佢啲毛好長,好順滑,不過最大分別都個Size,喺我見過同騎過嘅入面,佢係我見過算最細㗎啦。」她更表示自己與這位俊男在童話叢林雪中漫步了一個半小時,不過自始至終Judy都沒有問這位「俊男」的名字。

【3日2夜】芬蘭嘆「冰火二重天」 朱智賢、鄺潔楹大嗌又凍又熱

【3日2夜.多圖】重溫張曦雯「福利圖」 泰國象島篇絕密照預先睇

鄺潔楹(Judy)在旅程中遇見了白馬王子。(受訪者提供)

與這位「俊男」要用英文溝通?她笑說:「佢唔出聲嘅,好安靜。頭半個鐘真係Enjoy同佢度過嘅時光,之後就好想快啲返入室內,因為太凍啦!不過騎住佢周圍行真係好舒服,我試過係北海道騎,隻馬係會郁動大啲,佢反而比較溫柔,令我安心啲。仲有吖,負責人都話識揀,雖然佢係全場最細隻,但係佢係入面嘅大佬,其他馬仔都係跟佢。」Judy更表示好想回到芬蘭,再見她的白馬王子一面。

Judy身後的就是她口中所說的白馬王子。係咪好靚呢?(電視截圖)

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。