林秀怡被雪獲集氣力撐 餐廳生意破紀錄:求大家唔好再擺低錢畀我

撰文:黃欣華
出版:更新:

TVB上位小花林秀怡近年憑《三個女人一個因》、《是咁的,法官閣下》、《婚姻合伙人》和《十二傳說》等多部大熱劇集成功入屋,深得觀眾喜愛!但近月她就因在個人社交平台對社會事件表態,慘遭TVB雪藏,令工作量大減。久未公開露面的她,日前就在IG宣布將進軍YouTube,將推出人生第一條Vlog!

現年28歲的林秀怡入行11年,近年終於捱出頭為多部劇集擔任重要角色,更升呢為「人氣女神」!但因為她在反對修訂《逃犯條例》期間,疑因兩次高調表態,而慘遭TVB雪藏,先後「被缺席」新劇宣傳和離開做了6年主持的音樂節目《樂勢力》。工作量被迫大減的她,除了去到自己有份投資的日本餐廳做生招牌,親自落場打理店舖,她更宣布進軍YouTube界!

林秀怡近年深得觀眾喜愛!(IG@kirbysau圖片)

點撃下圖重溫林秀怡以往工作!

+3

對此,林秀怡接受《香港01》訪問時就講道:「唔係重返啊,係第一次!因為好想同大家親近多d啲,同埋一直以來都有好多人會DM我,問我返工嘅日常同埋好多我私底下嘅嘢,其實我都好想毫無保留咁樣同大家分享,希望大家會有興趣啦!再者,希望都可以成為我另一個收入來源,不過呢個都唔係一個重要因素,最重要係希望比大家見到最林秀怡嘅林秀怡。(嚟緊係咪要比心機經營?)我會啊,但係我科技低能,我要慢慢學習,努力緊!」她更透露雖然男友曾教過她剪片,但已經忘記得七七八八,所以會從新再學。

林秀怡IG表態出事 被TVB雪藏停工:有排都唔會見到我

林秀怡都好敢言。(IG@kirbysau圖片)
林秀怡做YouTuber,大家拭目以待!(IG@kirbysau圖片)
力撐!(網上截圖)

點撃下圖睇影片重點!

+7

另外,林秀怡亦表示要衷心多謝一班網友連登嘅巴絲打支持:「係超級真心嘅,鋪頭生意都破咗紀錄,同埋好多人俾貼士,但真係唔好,求吓大家,唔好再擺底錢俾我,你地嘅心意大過一切,而我知道有好多人比我更加需要集氣同支持,所以希望大家留返啲力量幫助嗰班更加需要嘅人。」對於拍劇安排,她就稱:「一切都係等公司安排啦!」

點撃下圖睇更多索爆靚相!

+13