傳李佳芯拖累冇得拍《BB來了2》 黎諾懿:冇咗任何一個都唔成事

撰文:
最後更新日期:

黎諾懿今天(12日)晚上出席《香港唱好演唱會》,諾懿現場會與陳山聰唱出《友共情》,諾懿笑言:「咁大家都知道我歌手嚟,唔係一個秘密。跳舞同唱歌係我強項,依家嚟到唱歌事業,我歌影視都發展。」

諾懿笑言在娛樂圈認識了不少兄弟。(梁碧玲攝)

由諾懿與李佳芯(Ali)主演的劇集《BB來了》原本打算開續集,更是會原班人馬拍攝。不過因近幾個月Ali對政治的表態,受到不少批評,導致這次兩大主角需要換人拍攝,諾懿回應:「我覺得人要向前行,結果真係發生呢件事,咪當留一個美好回憶,始終第一輯好成功,我一定會同Ali再合作。(咁公司講咗你聽未?)講咗未呀?咁我同Ali應該就係唔拍住,因為各有各忙,等遲啲睇公司宣布。」

傳出《BB來了》男女主角會由馬國明和岑麗香頂替,不過諾懿表示不知道。(梁碧玲攝)

有說法是Ali拖累了諾懿令諾懿要遭受換角,諾懿表示千萬不要這樣說:「冇話拖唔拖累,如果真係要開續集,冇咗任何一個人都唔成事。我第一次做《BB來了》訪問時候已經講要拍續集一定要原班人馬。如果唔係原班人馬不如開個新故事啦。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。