麥美恩知森美患有色素瘤後爆喊 :佢唔止係大哥,都係我哋榜樣!

撰文:
最後更新日期:

麥美恩(Mayanne)今天(15日)與森美出席公開活動,而森美早期在拍攝節目中自揭口腔中有色素瘤,嚇怕了身邊一眾不知情的朋友,Mayanne也不例外,她說:「我第一時真心喊咗出嚟,因為我屋企人都經歷過類似嘅事件,係難捱等檢查嘅期間。我喊原因係好明白作為屋企人好無助但又好想做一啲事去幫助佢嘅感覺,所以睇返個訪問我真係喊咗出嚟。」

Mayanne今天要與一眾小孩玩遊戲,她笑言最喜歡百厭的小朋友。(梁碧玲攝)

Mayanne一直當森美是大哥哥,所以她喊完之後也立即去找《森美旅行團》的台前幕後說這件事情:「森美佢好值得鼓勵,佢唔單單係大哥,佢都係我哋榜樣。佢好少講自己私人事,佢能夠講得出自己發生咩事都需要好大勇氣,我覺得係值得讚賞。」

Mayanne指自己是一個會寵壞小朋友的人。(梁碧玲攝)

原來Mayanne也曾遇過有家人患癌的事情,所以今次她特別感觸:「我屋企人經歷過癌症,森美懷疑自己有癌細胞我都好明呢個過程。我都經歷過有好同唔好嘅結果,所以變咗拎出嚟講係好事,因為好多人面對困難唔識表達。」

Mayanne當正森美係大哥!(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。