【金宵大廈】陳山聰大爆PA撞鬼經歷:見到白影飄過

撰文:賴家杰
出版:更新:

TVB劇集《金宵大廈》從上星期(16日)播出後,劇情立即成為觀眾討論的話題。劇中男主角陳山聰很感激稱:「今次我哋一眾演員都有唔同正面嘅報導,我覺得呢個係好緊要,真係要多謝監製,編劇,五位導演同好多幕後同事。」

一眾演員都好落力去做翥傳活動。(梁碧玲攝)

另外《金宵大廈》劇情圍繞不少靈異元素,山聰雖然拍攝期間沒有遇上靈異事件,但是他大爆曾有PA遇上這類型事情,他說:「我哋其中一集PA要去一個無人巷去拍呢個CCTV。佢就拎咗攝影器材去拍,咁佢揸車去,去到放低完個Cam,就返上車到等。佢架車泊喺街,如是者喺車上等咗5分鐘,竟然架車爆胎。咁佢都奇怪啦,架車停喺街上又冇開車,冇啦啦點解會爆胎。跟住佢同朋友一齊就快快返去拎返個Cam走,兩個人竟然見到白影飄過。佢心知不妙,拎完Cam同朋友快跑走。點知一落到樓落大雨,然後一聲巨響,原來有一隻老鼠趺咗落嚟死咗。呢個正正係我地《金宵大廈》其中一集單元故事。」

Caption:山聰表示這次不知道是不是他的代表作,但是一定是演藝生涯中其中一部最喜歡的劇集。(梁碧玲攝)

山聰說PA遇上的靈異事件很恐怖,可是說到山聰自己本人有沒有遇上這些情況?他表示慶幸沒有:「其實我真係好好彩,冇遇過。每次我拍戲外景我都會上香,其實拍嘅時候我真係唔驚,因為成Crew人一齊,但如果我自己遇到真係會驚驚地。」