姜濤全黑LOOK行銅鑼灣俾警察截查 經理人花姐:被搜袋同查身份證

撰文:鄺鈺瑩
出版:更新:
姜濤黑衫、黑褲、黑色口罩咁現身銅鑼灣,好難唔會被截查。(m.mmatchu@IG圖片)

有網民發起今日「929全球反極權大遊行」,大批防暴警察今午喺銅鑼灣附近巡邏,並不時截查戴口罩的人士,有數名黑衫人士被要求一字排開搜身及搜袋。

個樣又驚又無奈。(m.mmatchu@IG圖片)

有網民影到疑似姜濤(姜B)嘅男子被防暴警察截查,只見戴黑色cap帽、黑色口罩嘅佢表現得十分無奈,一眾姜濤嘅粉絲都十分擔心,並於網上召喚其經理人花姐。亦有網民留言指「係咪唔抵得人哋靚仔過佢哋先」、「嚇親姜b了,快啲拯救姜b」。

姜濤經理人花姐接受《香港01》訪問時,確認該名被截查男子係姜濤,並謂:「剛才姜濤咁啱喺銅鑼灣SOGO附近,因為你知佢平日都係會戴口罩,又著黑衫,所以就俾警方搜袋同埋查身份證,之後就放咗佢走,佢而家無事,已經去咗排舞。」

+6