【全民造星II】突然加插MIRROR排名玩足兩次 Anson Kong不滿黑面

撰文:
最後更新日期:

ViuTV年度大型選秀節目《全民造星II》正在熱播,第二輪60進48的淘汰賽正式落下帷幕,48強參賽者亦已經塵埃落定;但《全民造星》監製兼MIRROR經理人花姐(黃慧君)宣布成軍一年的MIRROR將重新參加《全民造星II》,連同原有的48強,組成全新的60強,為節目投下震憾彈。另一個令他們愕然之處,在於MIRROR成員逐個演出向第二季的《造星》參賽者推銷自己之餘,亦要按節目組要求,被新學員依然個人實力投票,得出12人排名,更將投票結果公諸於世在節目中播出,此舉除了令MIRROR成員Anson Kong(江熚生)感到不被尊重,錄影當天全程黑面,更被一眾網民批評節目組為了「博收視」無所不用其極。

點擊圖輯看賽前排名:

+6
+6
+6

Alton排第尾:總有個人係排第12!

在主持人強尼宣布上屆冠軍姜濤仍穩坐第一寶座的時候,他的臉上露出多少有點尷尬的神情;MIRROR成員依次被叫名,但排名高的成員亦表現得頗為無奈;Stanley(邱士縉)認為今季參賽者只能根據MIRROR去年在節目中的表現及印象作評價,所以預料自己的排名會低;Alton(王智德)在得知自己排名第12後,欣然接受這個結果:「我覺得呢個制度係殘忍嘅,總有個人係第12,當知道係自己嘅我相信自己係冇嘢,入去坐低發現好多壓力。攝影師就會追住我影住我有冇唔開心,或者個樣幾沮喪,咁唔沮喪都變沮喪啦!」Alton更因此胃痛:「我呃唔到自己嘅身體,我搞唔掂。」

Alton在意MIRROR實力排行榜排名,更因此壓力大得胃痛。(節目截圖)

+14
+14
+14

MIRROR的副隊長Anson Kong(AK)對MIRROR實力排行榜這個環節極其不滿:「呢個排名一定會傷害到人!」以致他在整集節目都維持在一個生氣的狀態,隊長Lokman解話說:「今日AK心情麻麻,原來佢係嬲近點解會有呢個公開羞辱嘅環節,以我所知佢同花姐仲未傾返計。」而在MIRROR所有成員表演完畢後,第二季的《造星》參賽者需重新為實力排行榜投票,AK仍有點生氣地說:「有啲無謂,感覺好差,因為唔明呢個排行榜意義喺邊。」

回應AK發火 花姐:呢個係一個節目!

在第二次宣布MIRROR實力排行榜的時候,一眾成員神情都頗為尷尬,甚至有點委屈,Frankie說:「呢個排行榜喺我心目中冇咩意思,純粹令我哋難受。」Anson Kong直言:「件事有啲唔尊重!」而花姐則回應:「呢個係一個節目。」如果這是一個電視節目為了博取收視或是討論度而設計的環節,那麼它是成功的,因為在節目播出後網民紛紛在討論區批評節目組的做法,認為這個環節對MIRROR而言甚至是一個侮辱,公開令他們難堪。有了討論度,但他們之間被分化了的感情呢?

點擊圖輯看賽後排名:

+6
+6
+6

姜濤認突然加插排名環節有壓力

48強參賽者為MIRROR成員投票排出實力排名,MIRROR三位成員姜濤、Edan、Stanley周四(31/10)接受訪問時,均覺得這個排名很是殘酷,姜濤說:「本身準備Solo表演已經好大壓力,賽前仲有一個排名就更加有種突如其來嘅額外壓力,係唔知為乜!」Edan說:「點都有種尷尬,我哋12個係一團,排名一定會令人難受。」花姐在旁邊激動澄清:「有原因㗎!」Stanley則表示理解:「我哋又明白製作組係為節目好睇。」Edan亦調整心態:「呢個只係48個人心目中嘅排名,唔係一個有公信力同代表性嘅投票。」姜濤更笑言要全港觀眾投票。至於花姐所講的原因是甚麼,她在訪問之後沒有細心解釋,反而在周四晚播出的第23集裏,有向觀眾交代背後理念,而這個責任就落在主持強尼身上:「其實我覺得呢個咁嘅安排,只不過係話畀佢哋,甚至你係哋(新學員)聽,有啲印象上嘅嘢,同你睇完表演之後,係可以好唔同,呢樣嘢喺你哋嚟緊嘅比賽入面,都必須要經歷。」

點擊圖輯看網民的批評:

+9
+9
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。