【全民造星II】火火陳潔靈郭偉亮認節目不公平:唔鍾意咪唔畀你入

撰文:
最後更新日期:

ViuTV年度重磅選秀節目《全民造星II》周四(31日)舉行新一輪錄影,最後30強參賽者(包括9名MIRROR成員)將會決一高下,大刀闊斧篩走20人,選出最終10強。三位導師火火、陳潔靈(Miss Chan Chan)、郭偉亮(Eric Kwok)於記者會受訪,談到比賽,他們之間就充滿競爭的意味,Eric Kwok說:「我就最輸得嘅。」Miss Chan亦大膽「劇透」:「你第一次係無端端輸咗!」Eric Kwok反駁:「我最早輸,所以C隊就好團結,因為唔可以再輸。」而Miss Chan Chan的B組就似是長勝將軍;火火認為去到這一輪鬥爭性已經不太強,只想訓練好參賽者做最好的表演就已經可以功成身退。

說到在節目播出後,網絡上有不少留言批評節目整個賽制不公平,Miss Chan Chan居然表示認同:「一入嚟呢個節目就唔係公平!」火火附和:「呢個節目最標榜嘅就係唔公平!公平冇可能喺呢個節目出現。」Eric Kwok反問記者:「你試下搵樣嘢公平嘅俾我睇!娛樂圈係從來都唔公平,大家唔需要太執着。」火火補充:「唔需要太Focus喺表現得好唔好,根本娛樂圈有個準則係我唔鍾意你咪唔畀你入、咪唔簽你;唱得幾好都冇用,我嗰日攰唔想同你Casting咪入唔到!」而另外兩位導師亦同意這個說法。

火火認為去到這一輪鬥爭性已經不太強,只想訓練好參賽者做最好的表演就已經可以功成身退。(陳順禎攝)

說着說着他們就談到彼此的薪酬不同,Eric Kowk對Miss Chan Chan説:「我一定唔夠你貴啦!所以幾唔公平!」Eric Kwok又認為《全民造星》是為了娛樂觀眾:「所以應該當佢係一個真人Show多過一個比賽。」導師們又同意節目的主題應是成長,Miss Chan Chan說:「MIRROR雖然同參賽者同場競技,對我嚟講佢哋就係一樣嘅,大家都全力以赴。」

點擊圖輯睇今季參賽者型格相!!!

+17
+17
+17

火火話花姐MIRROR可以輸 但係......

問到《全民造星》監製花姐(黃慧君)有沒有事先下令不能淘汰MIRROR成員,Miss Chan Chan就斬釘截鐵說沒有,引來火火批評:「你咁假嘅?!講出嚟啲人都唔信啦!」Miss Chan Chan記得花姐說過MIRROR是可以輸的,但自己不敢淘汰MIRROR成員;火火續言,指記得花姐說過MIRROR可以輸,但不能淘汰多過12個人(即MIRROR成員人數),另外兩位導師都聲稱有這個記憶。

+3
+3
+3

Eric Kwok「抗旨」:花姐愈唔俾Foul愈要Foul

火火亦贊同讓MIRROR重新參賽這個決定:「放MIRROR入嚟就係話俾班參賽者聽:『如果你超越唔到MIRROR,我點解要簽你?』社會資源而家咁緊拙,MIRROR就係一個指標!」Miss Chan Chan也同意這個說法:「MIRROR都係出道一年,佢哋都需要成長。」當記者問到花姐有沒有下指令今屆有哪些參賽者不能被淘汰,Eric Kwok笑說:「如果係咁要我哋嚟做咩?如果花姐愈講話邊個唔Foul得,我哋第一個就Foul走佢!」火火說:「花姐有另一個把關,我哋喺比賽淘汰咗佢,轉頭花姐就可以拉佢去8樓(ViuTV總部樓層)簽約!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。