MIRROR出道一周年出歌愈來愈慢? 花姐︰我自己覺得係之前太快

撰文:
最後更新日期:

去年ViuTV節目《全民造星》捧出了一隊12人男子組合MIRROR,在香港的樂壇來說是一件非常新鮮的事。今日(3/11)正正是他們成軍一年的日子,一年的發展,究竟是突飛猛進還是停滯不前?

去年MIRROR出道日的時候拍的照,看到各成員都改變不少。(資料圖片)

點擊下圖睇吓MIRROR近期活動嘅花絮︰

+4
+4
+4

MIRROR自去年舉行簽名會正式出道後,共推出4首新歌︰《一秒間》﹑《ASAP》﹑《破鏡》和《Reflection》,成員的活動跟廣告都一個接一個,但回顧一年,究竟他們的人氣是增還是減?無疑一開始MIRROR的聲勢似乎不錯,一出道就有份出席樂壇頒獎禮,甚至是金像獎頒獎禮,音樂方面,除了組合的歌曲外,組合中最高人氣的成員姜濤和Ian(陳卓賢)都各有推出單曲,而Anson Lo(盧瀚霆)和姜濤也有合唱歌,不過其他成員就欠奉這方面的發展。拍劇和廣告方面,各成員都各有不同的工作,而成員都有份參與《Mirror Go》,尚算平均。不過之前曾經對外提及過的分小組出歌和出唱片就遲遲未成事,令粉絲們有點失望。而且組合的幾首歌曲風也類同,看似未有大突破和帶給粉絲新鮮感。而各個成員也似乎有不少粉絲「脫粉」的情況出現,人氣好似不如之前的,聲勢也減弱。

為慶祝MIRROR出道一周年,他們將會推出寫真Boxset,而在12月會有類似fan meeting的簽唱會,詳情就會稍後公布。(資料圖片)

不過原來所有計劃推遲是有原因,MIRROR的經理人花姐(黃慧君)接受《香港01》記者訪問時表示因為社會氣氛而推後,她說︰「我哋有好多嘢都褪咗,因為呢個時勢,其實我哋每次出歌,我哋都會有一啲event去back up件事,但係呢幾個月,我哋就唔想搞太多活動,我覺得唔係好啱,當大家好緊張嘅時候,我哋又喺度慶祝緊啲乜嘢,所以今日係一個好好嘅日子去慶祝,但係我唔想慶祝囉。(社會氣氛唔適合?)我覺得個氣氛唔係好啱囉。」她也表示其實小組的歌曲已經準備好,只是他們覺得時機未合適,她透露想在大概下年年中前舉行演唱會,所以她表示︰「我哋諗緊係咪會喺演唱會嘅時候個氣氛好啲先出呢,咁對大家都好,大家可以用個開心嘅心情接受MIRROR嘅歌。」

新歌《Reflection》也是為慶祝MIRROR出道一周年而特地推出的歌,花姐表示︰「呢隻歌大概係講MIRROR呢12塊鏡,其實佢哋之前好努力去裝備自己,想去投射啲positive嘅message畀大家。」(Youtube影片截圖)

對於外界指MIRROR現在似乎給人似乎有種停滯不前的感覺,花姐就並不認同,她說︰「啲人就問點解我哋突然放慢腳步,我自己覺得係因為之前太快,好多嘢我哋冇好好咁plan好啲,或者做好啲,所以我哋想拉返慢,令到我哋個quality好啲。」她表示早前一口氣出了三首新歌,對樂壇新人來說也是正常的。「我哋喺揀歌同錄音用咗嘅時間比之前用多咗好多,排舞嘅時間都用得多咗,之前我哋都聽到comment『點解唱歌冇進步』﹑『點解跳舞仲有啲人好似冇力咁』但係如果你今次睇《Reflection》嘅時候,你會睇到好明顯有啲人進步咗,我哋想用呢段時間畀人睇到有努力過,只不過之前太急嘅時候,冇時間畀啲隊員去學習。」

同期出道的組合ERROR感覺上的「入屋程度」較高,花姐坦承MIRROR走的是偶像路線,所以電視方面的工作會減少,「揀job會揀得謹慎少少」,只是他們的性質不同,她說︰「16個都係我個仔㗎啦,係冇唔同嘅!」(資料圖片)

面對《造星II》的新人隨時挑戰到MIRROR,組合會否面臨解散?花姐說︰「MIRROR全唔會解散嘅!對於我嚟講MIRROR唔係一個組合咁簡單,佢係由《全民造星》出嚟,一個家嚟,一個Icon嚟,其實50年後,大家會記得第一屆有姜濤,但50年後MIRROR會係點,可能有一個新嘅人成為Centre位,但嗰個唔係姜濤。(代表會有新嘅人加入?)其實我好希望,而家我未搵到嘅,《造星II》我暫時未搵到一個人好適合去入MIRROR,所以我仲同老細考慮緊嘅,我好希望MIRROR係一個長做嘅名嚟,一個品牌,因為我有呢個理念,所以我先再搞《全民造星》。」難度隨時會有新人加入MIRROR成為新MIRROR?不過花姐就跟一眾「鏡粉」(MIRROR的粉絲名稱)派定心丸,指他們不會減人。

點擊下圖睇睇寫真拍攝日嘅花絮︰

+24
+24
+24


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。