麥秋成加入無綫自薦拍歌舞劇「一個打三個」 張振朗:咁你大鑊啦

撰文:
最後更新日期:

張振朗、麥秋成以及一班無綫藝員日前(08/11)為無綫台慶節目進行練舞採排,其實這次還是這位《狂舞派》的舞蹈及動作編排簽約加入TVB後的首個大型活動。麥秋成接受《香港01》訪問時,坦言入TVB的原因是想學習更多,「因為電視嘢太多,劇集綜藝都有,學多啲嘢冇壞嘅!」

麥秋成與張振朗同場鬥舞技。(葉志明攝)

跟張振朗學習?麥秋成:「梗係啦,要學多啲添!」張振朗則笑說:「我跟佢學就真!佢喺跳舞界出晒名,今次聽到要同麥秋成跳舞,我即刻諗:點解要我同成哥咁勁嘅人跳呢?其實落到場,佢真係好用心機教我哋,仲排咗好靚嘅舞畀我。」你有沒有教他?張振朗:「點敢吖?哈哈哈。」

這一段舞蹈表演也是由麥秋成負責設計。(葉志明攝)

入TVB有甚麼目標?麥秋成:「想拍啲劇,因為自己都有寫劇本,主要係想學多啲幕前,對於電視或者電影都好啲。」有考慮歌舞劇?「好想吖!真心㗎,無論劇集或者電影都好。」他更笑說自己十分「抵用」:「因為可以自己寫劇本,自己排埋,仲可以自己做埋。」張振朗即時補充說:「咁你大鑊啦,唔使瞓㗎啦。不過係好嘅,因為公司未拍過,希望監製們考慮下。」

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。