【多圖】簡淑兒一年練成鋼條身型 6嚿朱古力嚇窒網民:減9%體脂

撰文:林迅景
出版:更新:

去年疑因經理人公司合約問題,被TVB掟入雪櫃的「仙氣女神」簡淑兒(Jessica),在今年年中就宣佈簽約TVB成為「親生女」,意味着已經「解凍」從雪櫃走出來。不過近期最令網民驚訝的是,原本驕滴滴又可愛的簡淑兒已經變成了爆肌的鋼條型身型...

好大對比。(IG@kan_jessica)

除戲劇方面有轉變,原來她在身材上也踏出了重要一步,指的不是整容或是隆胸,而是減脂操肌。今日簡淑兒更在IG上貼出自己一年前與一年後的身形對比圖,可以明顯的看到她由以前的「有少少肉地」變成鋼條肌肉型。帖文中她說道:「目標係自己定比自己,定咗落嚟嘅目標,就要用最大嘅努力一步一步去完成。」真是十分勵志。

一件前(左圖)和一年後(右圖)的簡淑兒,好大分別!(受訪者提供)

簡淑兒:做Gym有滿足感

簡淑兒接受《香港01》訪問時就:「我一直都有做Gym,但真係堅『的起』心肝做Gym應該就係半年前左右,脂肪比(體脂肪率)係由19%減到影相嘅時候10%。點解要操到咁Fit?因為想搵啲目標畀自己,同埋做運動嘅就係,你落幾多苦功,你會有返幾多成果,係一樣好成正比嘅嘢,唔似工作或感情,你付出幾多就有幾多,但係做Gym就一定有,所以滿足感真係好大。」

簡淑兒透露,自己一星期會做6日Gym,一日大概2-3小時,其中2日會有教練幫忙。(受訪者提供)

人生經歷低潮期 做Gym治療情傷

不過,令她決心操肌的原因並不是這麼簡單。在一年前,她同時在事業、家庭以及愛情上經歷了低潮:「前嗰排屋企人又唔係好舒服,要入院做手術,自己就意識到其實身體健康真係好緊要,就會開始做運動,做運動有少少成果就會開始想再見到見到多啲成果,畀自己嘅目標就會越嚟越大,就會一步一步去達成。再加上前嗰排又冇拍拖啦,又啱啱撞正工作上個轉捩點,消閒咗好多,有一排心情係有啲低落,之後去做Gym,同埋有時間吖嘛,一星期就操5-6日,做Gym嘅時候就會覺得自己真係做緊一啲改善自己嘅事,同埋做Gym真係會開心啲。」她表示,縱使大家未必會習慣現在的她,但做Gym對她的身心真的很重要。

沒有教練的日子,簡淑兒就會自己做重訓或者行機,更說會將走路機的斜度士較到最大,消脂效果非常多。(受訪者提供 / Edmond ho@E.D Photograhy)

簡淑兒:節食減肥好易反彈,改變生活習慣先有效!

她分享了自己的減肥心得:「我之前試過唔食嘢減肥,真唔得㗎。因為唔食嘢會得個瘦字唔會有線條,同埋會好易反彈,因為冇可能成世唔食嘢,同埋個情緒會好低落。今次我就搵咗個方法畀自己,就係慢慢改變自己嘅生活習慣,一開始就食少啲零食,跟住就唔好食零食,或者搵啲健康啲嘅,同埋一日入面揀一餐食得清淡啲,第二個星期就兩餐都清淡啲,再慢慢改變。我喺最Hardcore嗰排,如果喺屋企食就真係餐餐都係蒸,我都會食零食,不過就揀健康啲堅果、米通之類。不過出街我就照食,一個星期一兩餐放肆啲其實係唔會有影響。」

靚相:

三餐飲食餐單 簡淑兒:用蒸煮先係最緊要

簡淑兒:「教練話一開始做Gym同而家都會唔同,一開始做會下數多啲,不過就冇加重量,等動作熟咗之後就會慢慢加重啲,但係加重之後就會食返多啲,如果唔係就會冇力。飲食方面,而家三餐就係朝早食麥皮加奇亞籽,落少少藍莓,再加一兩隻蛋;午餐就係雞胸牛油果三文治,仲會加蕃茄仔同菜;晚餐通常都係蒸,蒸雞胸、魚或者豆腐、菜,食也嘢其實冇乜所謂,反而要用蒸煮先係緊要。」

+13
你可能感興趣