【全民造星II】MIRROR為十強打氣 非大熱門竟獲最多成員睇好?

撰文:
最後更新日期:

ViuTV大型選秀節目《全民造星II》決賽在即,終極十強參賽者於周日(8日)為自己拉票。上屆比賽的師兄MIRROR也有出席為他們打氣,贈他們幾句心得。雖然新一季的參賽者有大量粉絲去撐場,不過現場所見,「鏡粉」(MIRROR的粉絲名稱)還是暫大多數,證明MIRROR的魅力不減!

娛樂圈年度「最Sweet新聞」名單有喇!即到《01最賞睇娛樂大獎》投票,仲可以參加勁抽雙重獎,隨時贏得終極大獎旗艦手機11 Pro Max、Dyson風筒等。

被問到覺得新一季的十強哪個參賽者最符合MIRROR的形象,Edan就推Phoebus(吳啟洋),因為是在偶像和男團的角度去看,對方是合適的。Edan更私心說︰「我鍾意佢對腳好長,比例好好。」(梁碧玲攝)

被問到MIRROR成員的心水冠軍,身為上屆冠軍的姜濤就顯得有點尷尬,他說︰「我揀大家(所有參賽者),因為唔想特別話心水,我好驚畀大家壓力,所以每個人都希望攞到最自己滿意嘅成績。」在旁的Ian(陳卓賢)表示同意,而Edan(呂爵安)就選MC(張天賦),原因竟然是因為他們「撞樣」!他解釋︰「佢攞冠軍好似我攞咁!」非常搞笑。隊長Lokman(楊樂文)Alton(王智德)支持同是A組的參賽者JJ(范卓言),Lokman指對方唱歌好聽,跳舞好看。如此說來,暫時JJ得到最多(3位)MIRROR成員的支持。

去年《全民造星》也有拉票日,而且在銅鑼灣某商場舉行,一年過去,MIRROR成員以師兄的身份出席今年的拉票日,Stanley(邱士縉)坦言感受很深,「我仲記得上年嘅拉票日係好哄動,去到係會嚇親,咁多人嘅,粉絲都好好,除咗佢哋支持嗰個之外,其他人佢哋都會歡呼,所以即刻回想返起個感覺。」而Jeremy(李駿傑)都覺得好有感觸。(梁碧玲攝)

MIRROR不和? Stanley與Lokman即場嘴咀粉碎傳聞

外界不外乎談論關於會否加人入MIRROR,Lokman覺得是好事,「因為多咗幾個隊友,然後勢力再強大,係好事嚟嘅。」那會否減人?他們笑說︰「花姐應承過唔會減嘅!重組都唔會嘅,太快啦。」在旁的花姐說︰「你哋有人想走咩?」他們笑指︰「冇啊!份約都未完!」網上有留言或聲音指其實MIRROR成員之間並不是太融洽,對此Anson Kong(江熚生)反問︰「現場覺得我哋有冇唔融洽啊?」Stanley笑言︰「現在我哋互相錫一啖囉!」場面搞笑,其後他續說︰「我覺得有機會係因為我哋而家呢幾個月忙住《造星》,跟住忙住分組,少咗好多單純12個出去工作,所以我哋少咗12個聚埋一齊,之前分開A、B、C組,少咗接觸啫可能,觀眾可能會咁覺得。今日我哋都互相補位,啲默契都仲喺度!」

點擊下圖睇吓更多靚相︰

+17
+16
+15


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。