【全民造星II】George與Phoebus跑出拍廣告 花姐仲點名讚呢3個

撰文:
最後更新日期:

ViuTV大型選秀節目《全民造星II》比賽正在進行,同時十強即將誕生。但比賽還未完結,就有參賽者得到廣告商的青睞,說的就是Phoebus(吳啟洋)和George(歐鎮灝),見到他們有一個跟MIRROR成員Edan(呂爵安)和《造星II》監製兼MIRROR經理人花姐(黃慧君)的廣告節目即將推出,莫非這兩位新一屆的參賽者將會受到力捧?

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro Max、Dyson風筒,仲可以有01積分換唔同禮品!

George﹑Phoebus同Edan,仲有花姐加持一齊拍廣告!(Facebook影片截圖@ViuTV)

ViuTV大型選秀節目《全民造星II》比賽正在進行,同時十強即將誕生。但比賽還未完結,就有參賽者得到廣告商的青睞,說的就是Phoebus(吳啟洋)和George(歐鎮灝),見到他們有一個跟MIRROR成員Edan(呂爵安)和《造星II》監製兼MIRROR經理人花姐(黃慧君)的廣告節目即將推出,莫非這兩位新一屆的參賽者將會受到力捧?

點擊下圖睇吓花絮!!

+8
+7
+6

ViuTV的Facebook專頁已預告將會推出和廣告商合作的短片,當中最令人注意到的是《造星II》的兩個參賽者Phoebus和George,令粉絲們高度關注,有人留言「咁即係呢兩個簽硬啦」,究竟又是否真的如他們所說呢?《香港01》記者向花姐查詢,關於比賽還未完就有廣告商找他們拍廣告,花姐直言︰「係啊,佢哋都幾受廣告商歡迎嘅我諗。」(佢哋兩個特別受歡迎?)「其實都唔係淨係佢哋兩個㗎,都有好多客approach《全民造星》嘅人。」(但呢個廣告仲有埋你加持?)「其實件事唔係咁樣嘅,本來佢哋淨係搵我㗎啫,冇仔嘅,跟住我就話我唔想自己拍,因為我唔係一個藝人,不如搵MIRROR嘅人同我一齊拍。」對方覺得《造星II》也很受歡迎,就不如找MIRROR跟參賽者一起拍廣告,而對方就選了現在的人選。酬勞方面,花姐就說︰「我覺得新人嚟講OK。」

【全民造星II】C組二次創作不受評判喜愛 網民︰C組最差的表演

【全民造星II】MIRROR再參賽始終被質疑 網民︰叫全民再造星啦

George(左一)和Phoebus(中)被傳是加入MIRROR的熱門人選。(資料圖片)

至於粉絲最關心的問題是,George和Phoebus是否會加入ViuTV或甚是MIRROR?花姐直言一切都未有決定,「都要睇成績囉其實,而家我都未知係可以力捧邊個,都要睇決賽嗰日。」她補充今年跟上年不同,上年去到比賽後段已經有組男團的意思,心目中亦有人選,「但係今年,我想睇定啲先,因為我覺得我哋本身都有MIRROR,個負荷已經好重,我哋真係希望搵啲有潛質嘅人,一日未去到決賽都未知道佢哋個小宇宙爆發成點嘅,所以我哋都仲睇緊,但係似乎譬如MC(張天賦),佢網上評價好高,George雖然網上畀人攻擊得好勁,但係佢粉絲都好勁㗎喎,Phoebus都唔錯,仲有Oscar(李祉均)﹑Hugo(丘凱雄)都OK,啲粉絲普遍都鍾意佢哋,但係我就未睇到究竟要簽邊個力捧邊個。」那會否有另組一隊男團的打算?花姐直言暫時未看得到參賽者的實力和暫未計劃。

網民留言。(Facebook截圖@ViuTV)

被問到會否想搵新血加入MIRROR,花姐直言︰「如果我夾硬拉啲人擺入去究竟會唔會影響而家嘅MIRROR係好緊要㗎嘛,咁我都唔敢輕舉妄動,一定要搵啲好啱嘅人,同埋真係會令到MIRROR強化嘅人先有用。」(資料圖片)

雖然上季的參賽者在比賽未完時已有一些廣告商找他們宣傳,但感覺今年廣告商好像更早接觸參賽者,花姐同意︰「因為可能上年啲廣告商都未知《全民造星》係個乜嘢節目,未知究竟個效果係點樣。」其實除了這個廣告外,也有服裝品牌找George﹑Phoebus和Tank(梁德忠)拍廣告。另外,非常受觀眾們歡迎的B4靚聲組合(組員︰Justin陳樂、Eagle陳天翱、June梁瑞峰、MC張天賦),原來比George和Phoebus的更早接拍另一個品牌的宣傳片,所以花姐笑言︰「如果啲人話係力捧,咁B4反而係畀我力捧啊!其實冇關係嘅!」而廣告商是指定要找B4的四位成員的,看來風頭都相當勁!

點擊下圖睇吓幾個被花姐點名稱讚或者好受歡迎嘅參賽者!

+21
+20
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。